Առաջին հայազգի դեսպանը չընդունեց պաշտոնի առաջարկը

Դոկտոր, պրոֆեսոր Տարոն Աջեմօղլուն ասաց, որ իր աշխատանքների պատճառով չի կարողանալու ընդունել Փարիզում Տնտեսական համագործակցության և զարգացման կազմակերպության (OECD) Թուրքիայի մշտական ներկայացուցչի պաշտոնը:

Դոկտոր, պրոֆեսոր Տարոն Աջեմօղլուն հայտնեց, որ ընթացքի մեջ գտնվող գիտական աշխատանքների պատճառով չի կարողանալու ընդունել Փարիզում Տնտեսական համագործակցության և զարգացման կազմակերպության (OECD) Թուրքիայի մշտական ներկայացուցչի պաշտոնի առաջարկը:

ԱՄՆ-ի ամենահեղինակավոր համալսարաններից մեկը եղող և Բոստոնում գտնվող Մասաչուսեթսի Տեխնոլոգիաների ինստիտուտի (MIT) Տնտեսական բաժնի պրոֆեսորներից Աջեմօղլուն իր բաժնի ասիստենտ Լորեն Ֆահեյի միջոցով հանդես եկավ մեկնաբանությամբ:

Լորեն Ֆահեյը նշեց, թե դոկտոր, պրոֆեսոր Աջեմօղլուն «մեծ պատիվ է համարում Փարիզում Տնտեսական համագործակցության և զարգացման կազմակերպության (OECD) Թուրքիայի մշտական ներկայացուցչի պաշտոնում իր նշանակման առաջարկը, սակայն թե’ Թուրքիայի կառավարությանը և թե’ Արտաքին գործերի նախարարությանը հաղորդել է, որ ընթացքի մեջ գտնվող գիտական աշխատանքների պատճառով մոտ ապագայում չի կարող ընդունել այդ առաջարկը»: Ֆահեյը շեշտելով, որ ճշմարտությանը չեն համապատասխանում որոշ թուրքական թերթերում տպագրված այն լուրերը, թե «Դոկտոր, պրոֆեսոր Տարոն Աջեմօղլուն երեք ամիս ժամանակ է խնդրել` առաջարկի մասին մտածելու համար», հայտնեց. «Դոկտոր, պրոֆեսոր Աջեմօղլուն մեծ պատիվ է համարում այդ առաջարկը, սակայն ընթացքի մեջ գտնվող իր գիտական աշխատանքներն արգելք են լինում` այդ առաջարկը մոտ ապագայում ընդունելու առումով»:

 30/03/2011

http://www.radikal.com.tr/Radikal.aspx?aType=RadikalDetayV3&ArticleID=1044619&Date=31.03.2011&CategoryID=81