«Հյուրիեթ» օրաթերթի հաղորդմամբ` Թուրքիայի հայազգի քաղաքացի Տարոն Աջեմօղլուն նշանակվել է Տնտեսական զարգացման և համագործակցության կազմակերպության (OECD) մշտական ներկայացուցիչը Փարիզում, սակայն մերժել է այդ առաջարկը` պատճառաբանելով գիտական կարիերան և ասել. «Ես որոշ ծրագրեր ունեն: Դրանք ավարտին հասցնելուց հետո միայն կարելի է մտածել այդ մասին»: Ինչպես շեշտում է թուրքական պարբերականը, Թուրքիան առաջին անգամ է, որ դեսպան է նշանակում հայկական արմատներ ունեցող քաղաքացու:
Նշանակման կապակցությամբ պարզաբանումներ տված Թուրքիայի արտգործնախարար Ահմեդ Դավութօղլուն նշել է, թե Աջեմօղլուն իրեն հայտնել է, որ իր համար այդ նշանակումը մեծ պատիվ է, սակայն տվյալ պահին գիտական գործունեությամբ զբաղված լինելու պատճառով միայն հետագայում կարող է դրական պատասխան տալ»:
Ըստ «Հյուրիեթի»` լրատվական աղբյուրները նշում են, որ Աջեմօղլուն համարվում է աշխարհի 20 առաջատար տնտեսագետներից մեկը, և նրա նշանակումը տվյալ պաշտոնում կբարձրացնի Թուրքիայի վարկանիշը:
30.03.2011
Leave a Reply