Փամուքի փաստաբանը հայտնել է, որ իրենք պատրաստվում են բողոքարկել դատարանի կայացրած վճիռը

Նոբելյան մրցանակակիր գրող Օրհան Փամուքի` «30 հազար քուրդ ենք սպանել և 1 միլիոն հայ» խոսքերի պատճառով դրամական տուգանքի դատապարտվելուց հետո նրա փաստաբանը` Հալուք Ինանջըն, հայտնեց, որ իրենք բողոքարկելու են դատարանի որոշումը:

Ինանջըն նշելով, թե նման որոշումները պատիվ չեն բերում իրավական պետությանը, ասաց. «Դատարանների պարտականությունը պետք է լինի խոսքի ազատության պահպանումը: Պարոն Օրհանի տված հարցազրույցից հետո 6 տարի է անցել: Նման դատական գործերի դեպքում վաղեմության ժամկետը մեկ տարի է լինում: Դատական հայց հարուցելու համար նախատեսված ժամկետից արդեն 5 տարի է անցել: Անհնար է այդքան վաղուց տրված հարցազրույցի համար դատական գործ հարուցել: Որոշումը դեռ վերջնական չէ: Երբ այն գրավոր կերպով հաղորդվի, մենք կբողոքարկենք: Հուսով ենք, որ վճռաբեկ դատարանը չեղյալ կհամարի այս որոշումը»:

28.03.2011 

http://www.stargazete.com/politika/pamuk-un-avukati-temyize-gidecegiz-haber-339883.htm