Ինչպես հայտնում է թուրքական NTV հեռուստաընկերությունը, Նոբելյան մրցանակակիր գրող Օրհան Փամուքը “30 հազար քուրդ և մեկ միլիոն հայ ենք սպանել” խոսքերի համար դատապարտվել է դրամական տուգանքի: Գրող Փամուքը 6 հազար լիրա է վճարելու Էրգենեքոնի գործով մեղադրյալ Քեմալ Քերինչսիզին և տուժածների մտերիմներից 5 հոգու: Փամուքը 15 օրվա ընթացքում դատավճիռը բողոքարկելու իրավունք ունի: Շիշլիի երրորդ ատյանի դատարանը մինչ այդ 2 անգամ մերժել էր հայցը` այս “հանցագործությունից” ոչ մեկի վնաս կրած չլինելու հիմքով, իսկ վճռաբեկ դատարանի իրավական գլխավոր խորհուրդը վճռելով, թե “յուրաքանչյուր թուրք քաղաքացի իրավունք ունի դատական գործ հարուցել”, գործն ուղարկել էր տեղական դատարանին:
26.03.2011
NTVMSNBC
Leave a Reply