ԱԶՈՐԴԱՑ ՓՈՐ, Ազորդ. գավառ Մեծ Հայքի Տայք նահանգում, Ազորդ գետի ավազանում: IV-VIIIդդ. եղել է Մամիկոնյանների սեփականությունը: Կենտրոնը` Ազորդ: X դարում, երբ Ազորդաց փորը Տայքի կյուրապաղատության կազմում էր, հայ բնակիչների մի մասը հարել է քաղկեդոնականությանը, Օշկ, Խախու, Էգրեկ (Ագարակ), Իս և այլ գյուղերում կառուցվել են քաղկեդոնիկ եկեղեցիներ: 1000թ. Ազորդաց փորը Տայքի մեծ մասի հետ միացել է Բյուզանդիային: Ազորդաց փորի տարածքը XIII դարում կոչվել է Թորթում:
Հայկական համառոտ հանրագիտարան, Հատոր 1, Երևան, 1990:
Leave a Reply