Պոլսո հայոց պատրիարքարանի հատուկ հավաքածուն ցուցադրվում է մշտապես

Պոլսո Հայոց պատրիարքարանի հավաքածուի կարևոր նմուշները,  որոնք  մինչև այսօր կաողացել են պահպանվել, ցուցադրվոււմ են Գում Գափուի պատրիարքարանի շենքում: Այս նմուշների շարքում են օսմանյան ֆերմաններն ու Հիսուս Քրիստոսի խաչի մասունքները:

Գում Գափուում գտնվող Պոլսո Հայոց պատրիարքարանի ներքնահարկի սենյակներում շարունակաբար ցուցադրվում են բազմաթիվ առանձնահատուկ նմուշներ, որոնք պահվում են Հովհաննես 9-րդ Կոլոտ պատրիարքի հավաքածուում` Հիսուս Քրիստոսի խաչի մասունքից մինչև Սուրբ Նիկոլասի (Կաղանդ պապ) մասունք: 2006 թ. մինչև այսօր շարունակվող ցուցահանդեսը երկու նոր տարր ունի. 1999 թ. Մարմարայի երկրաշարժի ժամանակ վնասված Գում Գափուի Հայոց պատրիարքարանի վերանորոգման ընթացքում ներքնահարկում նոր սենյակներ են հայտնաբերվել, ահա այս վերանորոգված սենյակներում էլ ցուցադվում է պատրիարքարանի հատուկ հավաքածուն: Իսկ ցուցահանդեսի մյուս նոր տարրը քառալեզու գրացուցակն է: Ստամբուլը 2010 թ. Եվրոպայի մշակութային մայրաքաղաք նախագծի շրջանակներում պատրաստվել է հաերեն, թուրքերեն, անգլերեն և ֆրանսերեն գրացուցակ, որտեղ պատմվում է և’ ցուցափեղկերում տեղ գտած, և’ հավաքածուում առկա նմուշների մասին: Ցուցահանդեսում, որտեղ մեծամասամբ ցուցադրված են 19-րդ դարի նմուշներ, կան նաև հազարավոր տարիներ առաջվա և այսօրվա ստեղծագործություններ: Հավաքածուի պատասխանատու Վաղարշակ Սերոբյանը հայտնելով, որ հավաքածուում տեղ է գտնում նաև Աբդուլ Համիդ 2-րդի օրոք ժամանակի պատրիարքին նվիրված գահը, ասաց. «Մեր պատրիարքարանում ցուցադրվում է օսմանյան շրջանին պատկանող երեք ֆերման: Որոշ հետազոտողներ ասում են, որ Պոլսո հայոց պատրիարքարանում է գտնվում նաև սուլթան Մեհմեդ 2-րդ Ֆաթիհի (Նվաճող) ֆերմանը, սակայն վերոնշյալ ֆերմանը չի պահպանվել, պետք է, որ հրդեհի ժամանակ այրված լինի: Մեզ մոտ չկա Ֆաթիհի ֆերմանը: Երանի թե լիներ, որքան լավ կլիներ»:

Պոլսո հայոց պատրիարքարանը հիմնադրվել է 1641 թ.

Երբ 2006 թ. կազմվում էր Հովհաննես 9-րդ պատրիարքի հավաքածուն, Սելիմ 3-րդ, Աբդուլազիզ և Մահմուդ 2-րդ սուլթանների` պատրիարքարանին տված ֆերմանները ևս վերականգնվեցին: Ֆերմանները ցուցադրված են պատրիարքարանի մուտքում գտնվող պատրիարքների բերաթների հետ մեկտեղ: Հավաքածուի պատասխանատու Վաղարշակ Սերոբյանը նշելով, որ ֆերմանները հավասարազոր են այն ժամանակվա պատրարքի ընտրությանը, ասաց. «Երբ 1461 թ. պատրիարքարանը հիմնվեց, այն Սամաթիայում էր գտնվում: 1641 թ. տեղափոխվեց Գում Գափու: Թե’ Սամաթիայում և թե’ Գում Գափուում այն բազմիցս հրդեհվել է: 20-րդ դարի սկզբին Ստամբուլում հրդեհները հետևել են մեկը մյուսին: Օրինակ` Հոջափաշայի ամենահայտնի հրդեհը, բռնկվելով մի կողմից, ոչնչացրել է պատմական Յարըմադան (թերակղզի), որի պատճառով, ցավոք, շատ բաներ են մոխրացել»: Բացի այդ՝ հավաքածուի կազմում են հայ հայտնի նկարիչների կտավները, որտեղ պատկերված են նաև Օսմանյան կայսրությունում պետական ծառայության բարձր աստիճանների հասած Կարապետ ամիրա Պալյանն ու Գազազ Արթինը: Սերոբյանը տեղեկացնելով, որ պատրիարքարանի ներքնահարկում հայտնաբերված նոր սենյակներում ցուցադրվելու են հավաքածուի մյուս հատվածները, ասաց, որ տեղի սղության պատճառով հավաքածուն կարելի է տեսնել միայն նախնական պայմանավորվածությամբ:

Հասան Այ

http://www.sabah.com.tr/Cumartesi/2011/03/19/ermeni_patrikhanesinin_ozel_koleksiyonu_daimi_sergide

Leave a Reply

Your email address will not be published. Required fields are marked *

Վերջին Յաւելումներ

Հետեւեցէ՛ք մեզի

Օրացոյց

March 2011
M T W T F S S
 123456
78910111213
14151617181920
21222324252627
28293031  

Արխիւ