Խորհրդարանում յուրաքանչյուր կուսակցություն ունի հայ թեկնածու: Ազգայնական շարժում կուսակցության (ԱՇԿ) թեկնածուն Կարապետյանն է, իսկ Խաղաղություն և ժողովրդավարություն կուսակցությունը (ԱԺԿ) թեկնածու է առաջադրելու արդվինցի Իսմեթ Շահինին:
Այն բանից հետո, երբ ԽԺԿ-ն հայտնեց, որ ոչ մուսուլմաններով հոծ բնակեցված Ստամբուլի 2-րդ ընտրատարածքից աջակցելու է հայ թեկնածուին, մյուս կուսակցությունները ևս պատրաստվում են իրենց ցուցակներում տեղ տալ հայ թեկնածուներին: Արդարություն և զարգացում կուսակցությունից (ԱԶԿ) առաջադրվելու են Մելքոն Քարաքյոսեն և Հերման Բալյանը, Ժողովրդահանրապետական կուսակցությունից` Արև Ջեբեջին, իսկ ԱՇԿ-ից պատրաստվում է թեկնածության դիմում նեկայացնել Գեղամ Կարապետյանը: ԽԺԿ-ն աջակցելու է արդվինցի Իսմեթ Շահինին:
Երբ «Բավարար չէ, սակայն՝ այո» պլատֆորմի նախագահ, ԽԺ կուսակցության անդամ Սելահեդդին Դեմիրթաշը որոշում կայացրեց աջակցել ԽԺԿ-ի Ստամբուլի 2-րդ ընտրատարածքից հայ պատգամավորին, ԱԶԿ-ն և ԺՀԿ-ն ևս մտան մրցակցության մեջ: Մելքոն Քարաքյոսեն և Հերման Բալյանն էլ դիմեցին ԱԶԿ-ին՝ հայ թեկնածու լինելու համար: Որոշ ժամանակ ԺՀԿ-ի հետ բանակցած Արև Ջեբեջին առաջիկա օրերին դիմելու է թեկնածության համար: Ասում են, որ 2007 թ. ընտրությունների ժամանակ ԱՇԿ-ի կողմից թեկնածու առաջադրված Գեղամ Կարապետյանը նորից իր թեկնածությունն է առաջադրելու: Կարապետյանը նախկինում որպես պատգամավորի թեկնածու է առաջադրվել նաև Ճշմարիտ ուղի կուսակցությունից:
«Ռադիկալի» հետ հարցազրույցում Մելքոն Քարաքյոսեն հայտնելով, որ արդեն երկու տարի է, ինչ անդամակցում է ԱԶԿ-ին, ասաց. «Ուրիշ ընկերներ էլ ունենք, որոնք իրենց թեկնածությունն առաջադրել են այլ կուսակցություններից: Սակայն չեմ կարծում, որ համայնքի քվեն բաժանվելու է, որովհետև ԱԶԿ-ն մեր համայնքի համար սրտացավ է: Հատկապես վաքըֆների մասին օրենքում ԱԶԿ-ն մեծ ջանք գործադրեց»:
Արև Ջեբեջին, ով պատրաստվում է իր թեկնածությունն առաջադրել ԺՀԿ-ից, ասաց. «Կուսակցության իրավասուների հետ որոշ համաձայնություններ ունենք: Ըստ էության՝ խորհրդարանի փոխանդամ եմ: Մի մարդ եմ, որն արդեն 22 տարի է՝ լավ գիտի հայ համայնքի դժվարությունների մասին: Այդ խնդիրները տեղափոխելու եմ խորհրդարան»:
ԽԺԿ-ն որոշել է Ստամբուլից որպես թեկնածու առաջադրել Իսմեթ Շահինին: ԽԺԿ-ն դրական չի վերաբերվել «Բավարար չէ, սակայն՝ այո» պլատֆորմի թեկնածու Հայկո Բաղդատի թեկնածությանը: Հրանտ Դինքի այրի Ռաքել Դինքը մերժել է ԽԺԿ-ի առաջարկը: Շահինը ասելով, որ ծնվել է Արդվինի հայկական գյուղերից մեկում և մինչև նախակրթարան ընդունվելը թուրքերեն չի իմացել, նշեց, որ թեկնածության վերաբերյալ հանդիպել է Ստամբուլի հայ համայնքի որոշ անդամների հետ, սակայն եկեղեցու հետ որևէ առնչություն չունի:
Իսկ Սուրբ Փրկիչ հայկական հիվանդանոցի վաքըֆի նախագահ Պետրոս Շիրինօղլուն սպասում է ԱԶԿ-ի հրավերին: Շիրինօղլուն ասել է. «Եթե հարգարժան վարչապետը ցանկանա, կառաջարկի: Ես միշտ պատրաստ եմ պաշտոն ստանձնել»:
Ռիֆատ Բաշարան
17.03.2011
Leave a Reply