Հայկո Բաղդատ. «Այստեղ եմ ձախակողմյան և հայկական իմ ինքնությամբ»

Ժողովրդավարություն և խաղաղություն կուսակցության` տարբեր ձախակողմյան քաղաքկան կուսակցությունների և ժողովրդավարական բազմաթիվ կազմակերպությունների հետ միասին ստեղծած Ժողովրդավարական ճակատ նախագծի Ստամբուլի 2-րդ ընտրատարածքի թեկնածու վերոհիշյալ Հայկո Բաղդատը «Ագօս» թերթի հետ հարցազրույցի ժամանակ ասաց, որ որոշել է պատգամավորության իր թեկնածությունն առաջադրել, որպեսզի իրենց ճակատագրի վրա ազդող դեպքերին ամբիոններից հետևելու փոխարեն պայքարի:

Ժողովրդավարություն և խաղաղություն կուսակցության` տարբեր ձախակողմյան քաղաքկան կուսակցույունների և ժողովրդավարական բազմաթիվ կազմակերպությունների հետ միասին ստեղծած Ժողովրդավարական ճակատ նախագծի Ստամբուլի 2-րդ ընտրատարածքի թեկնածու Հայկո Բաղդատը «Ագօս» թերթի հետ հարցազրույցի ժամանակ ասաց հետևյալը. «Հրանտ Դինքի միջոցով հայերը, իրենց ապագան մի խումբ մարդկանց նախաձեռնությանը թողելու փոխարեն, հանգել են մի կետի, որտեղ յուրաքանչյուրն իր բնագավառում պայքարում է: Հրանտ աղբարիկի սպանությունից հետո հուսահատություն ապրեցինք: Որպես համայնք` մեզ հետաքրքրող դեպքերին հետևեցինք ամբիոններից: Այս ընթացքում սկսեցինք հպարտանալ, որ մեր թաղման արարողությունները բազմամարդ են: Ըստ իս` ավելի իմաստալից է, որ «համախմբվենք ոչ թե թաղման արարողությունների ժամանակ, այլ մեր հարսանիքներին` հաջողելու և ուրախանալու համար»: Հատկապես ձախակողմյան և հայկական ինքնությամբ պատգամավորի գոյությունն է բացելու այս ոլորտը: Այդ իսկ պատճառով դրական եմ վերաբերվում թեկնածությանը»:

«Հայ թեկնածուների հարցում Արդարություն և զարգացում կուսակցությունն ու Ժողովրդահանրապետական կուսակցությունը հավատ չեն ներշնչում»

Հայկո Բաղդատը հայտնելով, որ հայ պատգամավորների հարցում ԱԶԿ-ն և ԺՀԿ-ն հավատ չեն ներշնչում, ասաց հետևյալը. «Վարչապետի` 100 հազար հայերին Թուրքիայից վտարելու սպառնալիքը ցույց է տալիս, թե հայկական հարցի նկատմամբ ինչպիսի վերաբերմունք ունի: Հրանտ Դինքի նկատմամբ Լինչի դատաստան իրականացնելու համար քաղաքական արշավը ղեկավարողներից երկուսն այս կառավարության կազմից են»: Իսկ փոքրամասնությունների վաքըֆների խնդիրները կարգավորելու համար կազմված օրենքը Սահմանադրական դատարան ներկայացնող ԺՀԿ-ն իր հայցում ասում է. «Այն ժամանակ, երբ հայերը հողատիրության պահանջ են ներկայացնում և ցեղասպանության քննարկումներ ծավալում, այս ունեցվածքի վերադարձը ծառայում է ԱՍԱԼԼԱ-ի նպատակին»: Այս հայցի տակ Քեմալ Քլըչդարօղլուի ստորագրությունն է: 

Թերթում տեղ է գտել նաև Բաղդատի կարծիքը ԺՀԿ-ի` խորհրդարանում պահուստային թեկնածությամբ ընտրվող Արևի Ջեբեջիի և ԱԶԿ-ի կադրերում տեղ գտած Մելքոն Քարաքյոսեի թեկնածության վերաբերյալ:

http://www.marksist.org/haberler/3164-hayko-bagdat-sol-ve-ermeni-kimligimle-buradayim