Ես մերժեցի Oda TV հեռուստաընկերության առաջարկը

Լրագրող Սևան Նշանյանը պարզաբանեց, որ Oda TV հեռուստաընկերությունն իրեն շատ մեծ գումար է առաջարկել` հոդվածներ գրելու համար:

Samanyolu Haber TV հեռուստատեսությամբ հեռարձակվող «Այսօր ԶԼՄ-ներում» հաղորդմանը հյուր եղած Սևան Նշանյանը հանդես եկավ ուշագրավ մեկնաբանություններով: Նշանյանն ասելով, թե «Ես որոշ չափով տեղեկացված եմ Oda TV հեռուստաընկերության իրական էության մասին» հավելեց. «Oda TV հեռուստաընկերությունում աշխատող տարբեր կին լրագրողներ տարբեր պատրվակներով այցելեցին ինձ: Նրանք բազմիցս հայտնեցին, թե որքան հիացած են ինձանով և որ ցանկություն ունեն շատ մոտիկից ծանոթանալու ինձ հետ: Oda TV հեռուստաընկերությունից ինձ առաջարկեցին հոդվածներ գրել իրենց համար: Երբ Oda TV հեռուստաընկերությանը հիշեցրեցի, որ ես իրենց դավանած արժեքներին լրիվ հակառակ արժեքներ եմ պաշտպանում, նրանք ասացին, որ դա խնդիր չէ, և որ անհրաժեշտության դեպքում իրենք ինձ պատկառելի գումարներ կվճարեն: Ստիպված եղա ասելու` ձեր գործի’ն գնացեք: Չնայած որ նրանց երկու առաջարկներն էլ չափից դուրս գայթակղիչ էին…

Ես Oda TV հեռուստաընկերությունում ոչ մի ձևով լրագրողական գործունեություն ծավալելու մտադրություն չունեմ: Oda TV հեռուստաընկերություն կոչեցյալը իրականում հետախուզական գործողություն է: Այն սկսել է գործել որպես հոգեբանական  գործողություն:

Այդ գործողությունում որքանն է Սոներ Յալչընի և նրա շրջապատի սիրողական աշխատանքը, և որքանն է որոշակի կիզակետերի կողմից ուղղորդվում: Ճիշտ չի լինի այս թեմայի մասին խոսելը` առանց կոնկրետ տեղեկություններ ունենալու: Իմ ստացած տպավորությունն այն է, որ Oda TV հեռուստաընկերությունը պատկառելի գումարներով ֆինանսավորվող և լուրջ տեխնոլոգիական հնարավորություններով հագեցած գործողություն է:

Հետևաբար ես չեմ կարծում, թե այստեղ խոսքը լրոգրողների  հայացքների պատճառով նրանց պատժելու մասին է: Սոներ Յալչընն իր գրքերի միջոցով Թուրքիայում օրակարգ բարձրացավ նաև որպես ապշեցուցիչ անտիսեմիթական թշնամական շարժման առաջնորդ: Նա հասարակության մեջ ճանաչվեց որպես մի շարք թշնամական օրակարգեր ստեղծող շարժման առանցքային կերպար: Այստեղ մի այլ բան էլ են ուզում կոծկել: Մաքուր մարդիկ չեն դրանք»:

14.03.2011

http://www.stratejikboyut.com/news_detail.php?id=51230