Այց ԱՄՆ` ավանդական գարնանային ճգնաժամից առաջ

Անկարան ապրիլի 24-ին մի նոր «ցեղասպանության նախագծի ճգնաժամ» չլինելու համար ակտիվացրել է կուլիսային աշխատանքները:

ԵՄ անդամակցության հարցերով գլխավոր բանագնաց Էգեմեն Բաղըշը, Վաշինգտոն մեկնելով, մի շարք հանդիպումներ է ունենալու:

ԵՄ անդամակցության հարցերով գլխավոր բանագնաց Էգեմեն Բաղըշը վաղը այցելում է ԱՄՆ: Մինչև մարտի 19-ը տևելիք այցի օրակարգում ներառվել է նաև Հայոց ցեղասպանության օրինագիծը, որն ամեն տարվա ապրիլի 24-ից առաջ ձգտում են ընդգրկել ԱՄՆ-ի կոնգրեսի օրակարգում: Բաղըշը վաշինգտոնյան հանդիպումների առաջին օրը հանդիպելու է կոնգրեսի` Թուրքիայի աշխատանքային խմբի անդամ խորհրդարանականների հետ: Նախատեսվում է, որ սույն հանդիպման ժամանակ Բաղըշը շեշտելու է, թե հայկական պնդումներ ընդգրկող օրինագծի ներառումը կոնգրեսի օրակարգ կվնասի երկու երկրների հարաբերություններին:

Չկա Նենսի Փելոսին

Ըստ դիվանագիտական աղբյուրների` ԱՄՆ ներկայացուցիչների պալատի նախկին նախագահ Նենսի Փելոսին, որը հայտնի էր հայկական պնդումներին իր ցուցաբերած աջակցությամբ, քանի որ իր տեղը զիջել է հանրապետական Ջոն Բոներին, այդ հանգամանքը նվազեցնում է օրինագծի` օրակարգ ընդգրկվելու հավանականությունը: Անցյալ տարվա մարտ ամսին հայկական լոբբիի աջակցությամբ ընդամենը մեկ ձայնի տարբերությամբ ընդունվել էր ներկայացուցիչների պալատի արտաքին հարաբերությունների հանձնաժողովում: Այս որոշմանը խիստ արձագանքած Անկարան հետ էր կանչել Վաշինգտոնում իր դեսպան Նամըք Թանին: Երբ վերջնականապես որոշվեց, որ օրինագիծը չի ներառվի օրակարգ, Թանը վերադարձել էր իր պաշտոնին: Փելոսին դեկտեմբեր ամսին` նախքան խոսնակի աթոռից հեռանալը, նոր նախաձեռնությամբ էր հանդես եկել, բայց չէր կարողացել անհրաժեշտ մեծամասնությունը  ապաահոովել` օրինագիծը կոնգրեսի օրակարգ բերելու համար:

Ասլըհան Քարաթաշ

14.03.2011

http://yenisafak.com.tr/Politika/?i=308184