Ըստ թուրքական «Ռադիկալ» օրաթերթի (12.03.2011)` թուրք հայտնի քաղաքական գործիչ, երաժշտագետ, գրող, սցենարիստ և ռեժիսոր Զյուլֆյու Լիվանելիի նոր գիրքը, որը կրում է «Սերենադ» վերնագիրը, ի թիվս այլ թեմաների` անդրադառնում է նաև Հայոց ցեղասպանությանը:
Լիվանելին «Ռադիկալ»-ին տված հարցազրույցում նշել է, թե ինքը պատմական փաստերն ուսումնասիրելիս բացահայտել է, որ Առաջին աշխարհամարտում տառապել են Օսմանյան Կայսրության բոլոր հպատակները` հայերը, դերսիմցիները, քրդերը, հույները, արաբները, բոշնաղներն ու չերքեզները: Լիվանելին նաև շեշտել է, թե այստեղի հայերի տներում հիմա ուրիշներ են ապրում, սակայն իր համար ելակետը ոչ թե ազգությունն է, այլ՝ մարդը: Նա փորձել է նաև պնդել, թե «Առաջին աշխարհամարտում Օսմանյան Կայսրության «զուլումի» պատճառով տառապել են նաև թուրքերը»:
Ըստ Լիվանելիի` հայերի տեղահանությանն անդրադարձը գրքում ի հայտ է գալիս հիվանդանոցի տեսարանում. երբ զինվորական հիվանդանոցում բժիշկը համառորեն փորձում է վեպի հերոսից իմանալ, թե ինչ հիվանդություններից են մահացել նրա նախնիները, հերոսը ոչ մի կերպ չի կարողանում հայտնել հորական տատի մահվան պատճառը, քանի որ վերջինս ոչ թե հիվանդությունից էր վախճանվել, այլ սպանվել էր:
Leave a Reply