«Անադոլու» լրատվական գործակալության հաղորդմամբ` «Գաղտնի կյանքեր» ֆիլմը, որում պատմվում է հասարակ մարդկանց ապրած ինքնության բախումից առաջացած ողբերգության մասին, ցուցադրվելու էր երեկ` մարտի 11-ին: Ֆիլմում ներկայացվում է Չորումում 1980 թ. տեղի ունեցած դեպքերի պատճառով Ստամբուլ գաղթած մի ալևի ընտանիքի պատմությունը, որը վերցված է իրական կյանքից:
Ֆիլմի ռեժիսոր և սցենարիստ Ահմեդ Հալուք Ունալը նշել է, թե ֆիլմը կանխակալ կարծիքներից ծնված ատելության մասին է: Ունալը նաև ասել է. «Պատահականություն չէ, որ որպես ճնշված ու թաքնված ինքնություն ընտրել ենք ալևիներին: Եթե այս երկրում հայ եք, հրեա, քուրդ, կոմունիստ կամ համասեռամոլ, ապա հաստատ թաքնված կյանք եք վարել: Սակայն ալևիները վերոնշյալների մեջ ամենագլխավորն են. նրանց վերքն ամենահինն է և ամենամեծը: Թուրքիայի բոլոր թաքնված կյանքերի օրինակներից մեկը եղող ալևի ինքնության դրաման նաև սուննի մեծամասնության ողբերգությունն է»:
Leave a Reply