Լրագրող Նշանյանը «ապօրինի շինարարության» պատճառով դատապարտվել է 3 տարի 4 ամիս ազատազրկման

Լրագրող և լեզվաբան Սևան Նշանյանը Սելջուկի քրեական դատարանում «ապօրինի շինարարության» մեղադրանքով քննվող երկու առանձին դատական գործով դատապարտվել է ընդհանուր 3 տարի 4 ամիս ազատազրկման:

Սելջուկի Շիրինջե գյուղում առանց թույլտվության արած շինարարության պատճառով օրակարգ բարձրացած լրագրող և լեզվաբան Սևան Նշանյանը Սելջուկի քրեական դատարանում «ապօրինի շինարարության» մեղադրանքով քննվող երկու առանձին դատական գործով դատապարտվել է ընդհանուր 3 տարի 4 ամիս ազատազրկման:

Նշանյանին հաղորդված դատական որոշման մեջ նշվում է, թե 3 տարի 4 ամիս ազատազրկման պատիժը լրագրողին սահմանվել է Իլյասթեփե ագարակի հողատարածքում առանց թույլտվության նրա կողմից խճաքարով կառուցված երկսենյականոց իր սեփական տան և դարձյալ նույն հողատարածքում գտնվող «Մարտահրավեր նետող աշտարակի» համար:

Դատաքննության արդյունքում Նշանյանի համար սահմանվել է նաև 160 լիրա գումարի չափով տուգանք, ինչպես նաև` նրան արգելվել է ծավալել հասարակական գործունեություն, նա զրկվել է ընտրելու և ընտրվելու ու մյուս քաղաքական իրավունքներից, նրան արգելվել է նաև ղեկավարել որևէ հիմնադրամ, արհմիություն, կազմակերպություն, ընկերություն, կոոպերատիվ ու քաղաքական կուսակցություն, ինչպես նաև` նա չի կարող որևէ հասարակական կազմակերպության կամ մասնագիտական հաստատության թույլտվությանը ենթարկվելով` զբաղվել որևէ մասնագիտությամբ կամ արվեստներից մեկով:

Նշանյանը, պատասխանելով լրագրողների հարցերին, դատավճռի կապակցությամբ ասաց. «Ի՞նչ անեն, զվարճանում են էրեխեքը» և հայտնեց, որ «ի սրտե ներում է» որոշումը կայացրած դատավորին:

Նշանյանը երկու շաբաթ առաջ էլ Սելջուկի հաշտարար դատարանի կողմից դատապարվել էր 10 ամիս ազատազրկման` Շիրինջե գյուղի Քայսեր ժայռ կոչվող վայրում ժայռից տաշած տապանաքարի համար:

Անադոլու գործակալություն

08.03.2011