Հրանտ Դինքի հիմնած և ղեկավարած «Ակօս» շաբաթաթերթը, որը տպագրվում է թուրքերեն և հայերեն լեզուներով, ընդգրկվել է Թուրքիայի Ազգային մեծ ժողովի գրդարանում:
Ըստ gazeteciler.com կայքէջի` 4 տարի առաջ Ստամբուլում սպանված Հրանտ Դինքի հիմնած և թուրքերենով ու հայերենով տպագրվող «Ակօս» շաբաթաթերթին հաջողվել է իր հրատարակման 15-րդ տարում ընդգրկվել Թուրքիայի Ազգային մեծ ժողովի գրդարանում:
Թուրքիայի Ազգային մեծ ժողովը, որում ներառվել են բազմաթիվ պարբերական մամուլներ և ամսագրեր, Խաղաղություն և ժողովրդավարություն կուսակցության` Ստամբուլից ընտրված պատգամավոր Ուֆուք Ուրասի նախաձեռնությամբ սկսել է արխիվայնացնել նաև մոտ 5000 տպաքանակով տպագրվող «Ակօս» շաբաթաթերթը:
«Միլլիյեթ» օրաթերթի համաձայն` 1996 թ. ապրիլի 5-ին հիմնված և թուրքերենով ու հայերենով տպագրվող «Ակօս» շաբաթաթերթը Ստամբուլի հայկական համայնքի ամենաշատ վաճառվող թերթն է: Մոտ 5000 տպաքանակ ունեցող ու հատկապես հայերի կողմից հոծ բնակեցված շրջաններում վաճառվող «Ակօս» շաբաթաթերթը Խաղաղություն և ժողովրդավարություն կուսակցության անդամ Ուրասի ջանքերով ընդգրկվել է Թուրքիայի Ազգային մեծ ժողովի գրադարանում:
Որոշ համարներ պակաս են
Թուրքիայի Ազգային մեծ ժողովի գրադարանում, որտեղ գտնվում են տեղական ու ազգային մակարդակով հրապարակվող թերթեր և ամսագրեր, ուրբաթ օրն ընդգրկվել է նաև «Ակօս» շաբաթաթերթը: Վերջինիս 2006 թ. մինչ օրս հրապարկված ողջ արխիվը տեղ է գտել Թուրքիայի Ազգային մեծ ժողովի գրադարանում, իսկ թերթի 1996-2005 թթ. ոչ բոլոր համարներն էլ մտցվել արխիվ:
«Ակօս» շաբաթաթերթը, որը տպագրվում է 24 էջով, թեև հիմնականում հրատարկվում է թուրքերենով, սակայն ամեն համարում առնվազն 2 էջ է հատկացնում հայերենով տպագրվող նյութերին: «Ակօս»-ի գլխավոր խմբագիրն է Ռոբեր Քոփթաշը:
08.03 2011
www.netgazete.com/…/agos_gazetesi_15._yilinda_tbmm_kutuphanesinde. aspx
Leave a Reply