Հայաստանում գտնվող Ցեղասպանության հուշարձանը` Էրզրումում

Հուշարձանի պատճառով վիճաբանություն է սկսվել Էրզրումում. ինչպե՞ս կարող է այդչափ նմանություն լինել: Քննարկումների տեղիք է տվել ձմեռային խաղերին նվիրված արարողության ժամանակ ներկայացված դեկորացիայի նմանությունը Ցեղասպանության հուշարձանին:

Այն մարզադաշտում, որում կայացել են Էրզրումի 25-րդ միջհամալսարանային ձմեռային խաղերի (UNIVERSIADE) բացման ու փակման արարողությունները, կառուցված պլատֆորմի նմանությունը Հայաստանում գտնվող Ցեղասպանության հուշարձանին, վիճաբանությունների տեղիք տվեց քաղաքում: Ազգայնական շարժում կուսակցության նահանգային ղեկավարը հարցրեց, թե ինչ են ուզել դրանով հասկացնել: Իսկ Մուստաֆա Էրդողանը, ով բացման արարողության շոուի կազմակերպիչն էր, ասաց, որ դա կախված է նրանից, թե ով ինչ կհորինի, ինչ կասի: Սույն թվականի հունվարի 24-ից մինչև փետրվարի 6-ը Էրզրումում կազմակերպված 25-րդ միջհամալսարանային ձմեռային խաղերը (UNIVERSIADE) մեկ ամիս անց վերստին դարձան օրակարգային խնդիր, այս անգամ դեկորացիայի` Հայաստանում գտնվող Ցեղասպանության հուշարձանի հետ ունեցած նմանության պատճառով:

Ազգայնական շարժում կուսակցության Էրզրումի նահանգային ղեկավար Զեքայի Քարան հայտնելով, որ սպորտային խաղերի ողջ ընթացքում մարզադաշտում մնացած դեկորացիայի նմանությունը Ցեղասպանության հուշարձանին մի շաբաթ առաջ հայտնվել է իրենց կուսակցության օրակարգում, և որ իրենց կուսակցության ներկայացուցիչներն ուսումնասիրություններ են սկսել` հարցը պարզելու ուղղությամբ, նշեց.

“Մենք ցանկանում ենք պարզել, թե արդյոք այս դեկորացիան Հայաստանում գտնվող հուշարձանին և Էրզրումին վերաբերող խաղի մի մա՞սն էր, Էրզրում, որտեղ Հայոց ցեղասպանությունն ուժեղ դրսևորում է ունեցել, թե՞ միայն արվեստի առանձնահատկություններ կրող մի բան: Եթե միայն արվեստ է, ապա ի՞նչ են ուզել ասել այդ դեկորացիայի միջոցով: Հենց դա է մեզ հետաքրքրում”:

http://www.nethaber.com/video/653/ermenistandaki-soykirim-aniti-erzurumda.html