ԹՈՌՆԱՎԱՆ. գավառ Մեծ Հայքի Վասպուրական նահանգում՝ Վանա լճից հյուսիս-արևմուտքում, Մեհմեդիկ և Կոտուր գետերի վերին հոսանքի ավազանում: Հյուսիսից սահմանակից էր Մարդաստան, Գառնի, արևելքից` Աղանդռոտ, Ճվաշռոտ, հարավից` Կրճունիք, արևմուտքից` Առբերանի, Արճիշակովիտ, Մեծնունիք գավառներին: Կենտրոնը` Թոռնավան (այժմյան Տաշ Ռումի գյուղի մոտ): Թոռնավանի Նկան բերդում հայ իշխանները 852թ. դիմակայել են Բուղայի արաբական զորքին: Թոռնավանի մյուս նշանավոր բերդն էր Սևանը:
Հայկական համառոտ հանրագիտարան, Հատոր 2, Երևան, 1995:
Leave a Reply