Դրական քայլ է, բայց` ոչ բավարար

Թուրքիայի պետնախարար և ԵՄ-ին Թուրքիայի անդամակցման հարցով գլխավոր հանձնակատար Էգեմեն Բաղըշը հայտնել է, թե այսուհետ ԵՄ-ի Գլխավոր քարտուղարության հետ պաշտոնական նամակագրության մեջ «ոչ մահմեդական» բնորոշման փոխարեն կիրառվելու է «տարբեր հավատքի խմբեր» արտահայտությունը:

Իր ցուցաբերած այս նրբազգացության համար շնորհավորում եմ իրեն և և ԵՄ-ի Գլխավոր քարտուղարությանը:

Շատ դեպքերում չենք նկատում, որ ըստ սովորույթի մեր կողմից օգտագործվող որոշ բառերով կարող ենք վիրավորել այլ հավատքի և էթնիկ խմբերի: Այդ իսկ պատճառով էլ դա կարող եմ համարել մի կարևոր քայլ, որը ձեռնարկվել է քաղաքակրթման ճանապարհին, բայց չմոռանանք նաև, որ այդ քայլը պետք է վերածվի փոքրամասնությունների հանդեպ խտրականության ընդհանուր քաղաքականության վերափխության:

Վերջերս հրապարակված մի շրջաբերականի շնորհիվ տեղեկացանք, որ  Թուրքիայում դեռևս կան պաշտոնյաներ, ովքեր նույնիսկ չեն կատարում փոքրամասնություններին պատկանող վաքըֆների գույքերին վերաբերող դատական որոշումները: Թերևս ավելի ճիշտ կլիներ ասել, թե արդեն իսկ գիտեինք դրա մասին, ուղղակի վերստին հիշեցինք: Թուրքիայի հանրապետության քաղաքացի եղող, հարկեր մուծող, բանակում ծառայող փոքրամասնությունների անդամներին առնչվող խնդիրները կարծես թե վերաբերում են Արտաքին գործերի նախարարությանը: Կարծես թե նրանք մի օտար երկրի քաղաքացիներն են:

Փոքրամասնություններին պատկանող դպրոցներին և պաշտամունքի վայրերին առնչվող յուրաքանչյուր դրական քայլ շարունակում է ներկայացվել որպես «ողորմածություն»:

Մեզ չխաբենք, քանի որ պետության բոլոր հաստատություններում խտրականությունը, եթե ոչ գրավոր, ապա, ամեն դեպքում, զգացնել է տալիս իրեն:

Բաղըշը չպետք է բավարարվի իր ձեռնարկած այդ դրական քայլով: Թուրքիան այլևս չպետք է լինի սեփական քաղաքացիների մեջ խտրականություն դնող մի երկիր:

Մեհմեդ Յըլմազ

www.hurriyet.com.tr , 28.6.2010