Ազգայնական շարժում կուսակցության անդամ Օքթայ Վուրալը վարչապետին նմանեցրեց Ներոնին

Թուրքիայի Ազգայնական շարժում կուսակցության գլխավոր նախագահի տեղակալ Օքթայ Վուրալը, վարչապետ Ռեջեփ Թայիփ Էրդողանին քննադատելով, վերջինիս նմանեցրեց Ներոնին: Օքթայ Վուրալը տարբեր հանդիպումներ ունենալու համար այցելեց Վան: Ազգայնական շարժում կուսակցության նահանգային նախագահությունում մամլո ասուլիս կազմակերպած Վուրալը հանդես եկավ ուշագրավ մեկնաբանություններով.

«Սա մեծ սադրանք է. եթե մենք մեր դասարանները, մզկիթները, դպրոցները իրարից տարանջատենք, ինչպե՞ս ենք միմյանց հասկանալու»:

Վուրալը, Արդարություն և զարգացում կուսակցությանը ցեղապաշտության մեջ մեղադրելով, հանդես եկավ հետևյալ որակմամբ. «Հո ռասիստ չ՞ես, այդ ի՞նչ ես անում: Փառք Ալլահին, որ նույն օդն ենք շնչում»:

Վուրալը շեշտելով, թե ապակե շքեղ ամառանոցներում բնակվող քաղաքական գործիչները կռվի առարկա են դարձնում էթնիկ ինքնությունները, դա որակեց որպես բռնություն:  

Վուրալն արձանագրելով, թե Արդարություն և զարգացում կուսակցությունը միջոցներ չի ձեռնարկում երկրի խնդիրների լուծման ուղղությամբ, ընդգծեց նաև, թե Ազգայնական շարժում կուսակցությունը ջանքեր է գործադրում` իր հնարավորության սահմաններում: Վուրալը, իր խոսքերն ուղղելով վարչապետ ՌեջեփԹայիփ Էրդողանին, ասաց. «Դու ի՞նչ ես արել Թուրքիայի համար. Ներոնի նման կրակի ես մատնել Թուրքիան: Մարդը գնացել է Կանադա, ման է գալիս իր համար ու այնտեղից հետևում, թե ինչ է կատարվում մեր երկրում: Մե’ղք է, մե’ղք: Դու կրակի մատնեցիր այստեղի մարդկանց»:

Վուրալը, դեմ արտահայտվելով օգոստոսի 15-ին Սյումելա վանքում հույների կրոնական արարողությանը և սեպտեմբերի 19-ին Վանի Աղթամարի եկեղեցում հայերի պատարագին, իր բողոքն արտահայտեց հետևյալ խոսքերով. «Այս երկրի արժեքների, ինքնությունների պատճառով մեզ միմյանց դեմ են հանելու և տարանջատելու են մեզ իրարից»:

http://sondakika.com, 25.06.2010