Ռադիոյի և հեռուստատեսության գերագույն խորհուրդը (RTÜK), բանավիճային հաղորդումներին հարված հասցնող մի որոշում կայացնելով, պատժեց Ֆաթիհ Ալթայլըի կողմից պատրաստվող ու ներկայացվող «Դեմ առ դեմ» հաղորդումը` դադարեցնելով դրա ցուցադրությունը:
Ռադիոյի և հեռուստատեսության գերագույն խորհուրդը նշելով, թե հաղորդման հյուրերից Սևան Նշանյանը հաղորդման ընթացքում արել է Թուրքիայի հանրապետությանն ուղղված ստորացուցիչ արտահայտություններ, որպես հիմնավորում իր շոկ առաջացնող որոշմանը` բերեց այն պատճառաբանությունը, թե հաղորդումը վարող Ֆաթիհ Ալթայլըի փոխարեն վերոհիշյալ վիրավորական խոսքերին պատասխանել է Նշանյանի հետ բանավեճի նպատակով ստուդիայում գտնվող պրոֆեսոր Յուսուֆ Հալաչօղլուն:
Վերոնշյալ հաղորդումը տեղի է ունեցել այն ժամանակ, երբ հայկական օրինագիծն ընդունվել էր ԱՄՆ Ներկայացուցիչների պալատի Արտաքին հարաբերությունների հանձնաժողովի կողմից, և լրագրող Սևան Նշանյանն ու Թուրքական պատմագիտական ընկերության նախկին նախագահ, պրոֆեսոր Յուսուֆ Հալաչօղլուն դեմ առ դեմ էին ելել՝ աշխարհի կողմից քննարկվող սույն խնդրի առնչությամբ իրենց կարծիքները հայտնելու նպատակով: Ռադիոյի և հեռուստատեսության գերագույն խորհրդի` վերոհիշյալ հաղորդումը փակելու մասին որոշման մեջ ներկայացված է նաև Նշանյանի արտահայտած բոլոր գաղափարներին հակառակվող այն տեսակետը, որն արտահայտվել էր Հալաչօղլուի և ընդունվել հաղորդումը վարող Ֆաթիհ Ալթայլըի կողմից:
Թարաֆ օրաթերթ, Ստամբուլ, 25.06.2010
Leave a Reply