Կապադովկիայի եկեղեցիների հարստությունը

Տվյալ շրջանը` իր մշակութային հարստությունների ցուցակում ընգրկված 92 մարզերում գտնվող մոտ 400 եկեղեցիներով և մատուռներով, գրավում է քրիստոնյա զբոսաշրջիկների ուշադրությունը:

Նևշեհիրի նահանգապետարանի Մշակույթի և զբոսաշրջության տնօրինությունից ստացված տեղեկության համաձայն` Կապադովկիայի շրջանում գոյություն ունեն 400 եկեղեցիներ ու մատուռներ, ինչպես նաև` 200-ի չափ ստորգետնյա քաղաքներ, որոնց առնչությամբ հայտնի է, որ դրանք անցյալում օգտագործվել են որպես պաշտամունքի կենտրոններ և կացարաններ:

Եկեղեցիների, մատուռների, ստորգետնյա քաղաքների մեծ մասն ընգրկվել է Կապադովկիայի մշակութային հարստությունների ցանկի շրջանակներում բաժանված 92 մարզերում, այդ թվում` 71 հնագիտական, 12 քաղաքային, 9 բնական:

Ստորգետնյա քաղաքներից զբոսաշրջիկների առաջ բաց են Դերինքույուն, Քայմաքլըն, Մազըն, Օզքոնաքը, Օզլյուջեն և Գյոնյուքը: Միաժամանակ տվյալ շրջանում կան 206 հուշարձաններ և 631  աշխարհիկ ճարտարապետության նմուշներ:

Տարին միջինը 2 միլիոն զբոսաշրջիկ է այցելում այստեղի փերիբաջաները (բնականորեն առաջացած քարե կույտեր, որոնք մարդիկ օգտագործել են որպես կացարաններ), ստորգետնյա քաղաքները, եկեղեցիները և այլ շինությունների ավերակները: Շրջանը կարևոր դեր է կատարում երկրի զբոսաշրջության զարգացման մեջ նաև իր բերդերով, ամրոցներով, Ավանոս Սարըհանի իջևանատնով, Նևշեհիրի Դամադ Իբրահիմ փաշայի մահմեդական հոգևոր կենտրոնով և այլ թուրք-իսլամական կառույցներով, որոնք պատկանում են օսմանյան ու սելջուկյան դարաշրջաններին:

Զբոսաշրջիկների ուշադրությունն առավելապես գրավող տուրիստական կենտրոնների մեջ առաջնային տեղ է զբաղեցնում Գյորեմե քաղաքը, որտեղ գտնվում են տվյալ շրջանի ամենաշատ փերիբաջաները, եկեղեցիներն ու մատուռները, և որը ենթակա է Նևշեհիր կենտրոնին. վերջինս 1985 թ. ՅՈՒՆԵՍԿՈ-ի կողմից ընդգրկվել է համաշխարհային մշակութային ժառանգության մեջ:

Ռադիկալ օրաթերթ, 23.06.2010

radikal.com.tr