Թուրքական լեզվագիտական ընկերությունը դիմեց Նշանյանի խորհրդին

Սևան Նշանյանը, որն իր հոդվածներում հաճախ է հանդես եկել Թուրքական լեզվագիտական ընկերությանն ուղղված քննադատությամբ, հրավիրվել է Թուրքական լեզվագիտական ընկերության կողմից հունիսի 10-ին և 11-ին Անկարայում կազմակերպված «Թուրքական լեզվագիտական ընկերության 2012-2016 թթ. ծրագրի աշխատանքներին մասնակիցների» ժողովին:

Այս ժողովում, որին մասնակցում էին հաղորդավարներ ու լեզվաբաններ, Սևան Նշանյանը զեկուցում ներկայացրեց «Ինչպե՞ս կարելի է ստեղծել ավելի ժամանակակից մի Թուրքական լեզվագիտական ընկերություն» թեմայով և հանդես եկավ Թուրքական լեզվագիտական ընկերությունում փոփոխությունների մասին պարզաբանումներով:  Նշանյանն ասաց հետևյալը. «Աթաթուրքի նախագահությամբ կազմակերպված առաջին թուրքական լեզվագիտական խորհրդաժողովին հրավիրված և Թուրքական լեզվագիտական ընկերության առաջին գլխավոր քարտուղարը եղած Հակոբ Մարթայանից հետո ես առաջին հայն եմ, որ հրավիրվում է նման խորհրդաժողովի»:

Նշանյանը հայտնելով, թե ինքը հաճույքով է հետևում վերոնշյալ ընկերությունում աշխատող երիտասարդ ուսումնասիրողների հոդվածներին, և ուշադրություն հրավիրելով այն բանի վրա, որ նոր սերունդն ունի առանձնահատուկ ոգի, նաև նշեց հետևյալը. «Այն երիտասարդ գիտնականների շրջանում, որոնց հանդիպեցի այս խորհրդաժողովի ընթացքում, կան բոլորովին նոր տեսակետների տվյալներ և որոնումներ, իսկ տարիքային առումով 80-ին մոտ եղող տարեց լեզվաբանները դեռևս ձգտում են շարունակել 1930-ականների ֆաշիստական տեսակետը: Իմ ելույթները ոգևորություն առաջացրեցին երիտասարդ լեզվաբանների շրջանում»: Նշանյանը նաև արձանագրեց, որ առաջիկա շրջանում իրենք կարող են համագործակցել Թուրքական լեզվագիտական ընկերության հետ:

«Ակօս» շաբաթաթերթ, թիվ 742, 18.06.2010