Ազգայնական շարժում կուսակցությունից Արդարություն և զարգացում կուսակցությանն ուղղված հարցապնդում` եկեղեցիների մասին

Ազգայնական շարժում կուսակցության անդամ Բյույուքատամանը Թուրքիայի Ազգային մեծ ժողովի օրակարգ բերեց Արդարություն և զարգացում կուսակցության սերը` եկեղեցիների հանդեպ:

Թուրքիայի Ազգայնական շարժում կուսակցության գլխավոր նախագահի տեղակալ և Բուրսայի պատգամավոր Իսմեթ Բյույուքատամանը Թուրքիայի մեջլիսին ներկայացրած իր հարցում-առաջարկի միջոցով և փաստաթղթերով օրակարգ բարձրացրեց թուրքական իշխանությունների` եկեղեցիներին վերաբերող անվերջանալի նախաձեռնությունները և պահանջեց, որ այս հարցապնդմանը գրավոր կերպով պատասխանի Մշակույթի և զբոսաշրջության նախարար Էրթուղրուլ Գյունայը:

Բյույուքատամանը հետևյալ հիմնավորումներն է բերում իր հարցման մեջ. ՙԻշխանությունների` եկեղեցիներին ուղղված նախաձեռնությունները կարծես թե վերջ չունեն: Դրանցից վերջինը վերաբերում է Սյումելա վանքին, որտեղ մեկ օրով պատարագ է մատուցվելու օգոստոսի 15-ին: Մեկ տարի առաջ թանգարանի տնօրեն Նիլգյուն Յըլմազերը դեմ էր դուրս եկել Սյումելա վանքում կրոնական արարողություններ կատարելուն, իսկ կառավարությունը այս տարի պաշտոնապես թույլ տվեց վերոհիշյալ օրը պատարագ մատուցել վանքում:

Օգոստոսի 15-ը համարվում է քրիստոնյաների աստծո` Հիսուս Քրիստոսի մոր` Մարիամի վերափոխման օրը: Մանկան, այսինքն` Հիսուս Քրիստոսի լույս աշխարհ գալը, լուսինն ու մահիկը, երեք աստղերը և ողջ տիեզերքին տիրապետելը այստեղ ցույց է տրվում քրիստոնյաների համար կարևոր աստծո` Հիսուս Քրիստոսի ողջ տիեզերքի միակ տերը լինելու միջոցով: Սրբապատկերներում և նկարներում Մարիամի ոտքերի տակ պատկերված են լուսին և աստղեր:

Ուշագրավ է նաև այն, որ օգոստոսի 15-ը Պոնտոսի պետության անկման ամսաթիվն է: Նորմալ է, որ քրիստոնյաներն առաջարկել են հենց օգոստոսի 15-ը, որը այդքան նշանակություններ ունի: Մշակույթի նախարարությունը նույնպես պետք է տեղյակ լիներ այդ իմաստների մասին և ըստ այդմ` որոշում ընդուներ՚:

Բյույուքատամանը պահանջել է, որ պատասխան տրվեն հետևյալ հարցերին.

ՙՃի՞շտ են արդյոք այն պնդումները, թե 1461 թ. օգոստոսի 15-ը Տրապիզոնի նվաճման տարեթիվն է, և որ այդ օրը պատարագ մատուցել թույլատրել են` նկատի ունենալով տվյալ ամսաթվի պատմական նշանակությունը:

Արդյոք մտադրություն ունեն փոխել նախանշված օգոստոսի 15-ը և կրոնական արարողության օրը տեղափոխել մեկ այլ օրվա:

Արդյոք պատարագի համար օգոստոսի 15-ը (տարեթիվ, որը խորհրդանշում է հունական պոնտական պետության անկումը և պատմության գիրկն անցնելը) ընտրածները փորձում են հայտարարել Բյուզանդական պետության վերակենդանացման մասին:

Ուրիշ ո՞ր եկեղեցիներում եմ նախատեսում կրոնական արարողություններ թույլատրել, որոնց օրինակներն են Վանի Աղթամարի եկեղեցին և Իսքենդերունի ասորական եկեղեցին: Արդյո՞ք նման մտադրություն կա նաև Այա Սոֆիայի վերաբերյալ:

Արդյո՞ք նախատեսում են Ստամբուլի գրավման ամսաթվին` մայիսի 29-ին էլ թույլ տալ պատարագ մատուցել Այա Սոֆիայում, որպեսզի արարողությանը մասնակցեն նաև մահմեդականները՚:

 etikhaber.com, 09.06.2010