Դանիէլ Վարուժանի Յուշադամբան՝ Պոլսոյ Մէջ

Շաբաթ, Մայիս 22ի յետմիջօրէն, Շիշլիի Հայոց գերեզմանատան մէջ խումբ մը ազգայիններու նախաձեռնութեամբ ու Շիշլիի քաղաքապետութեան օժանդակութեամբ, պիտի կատարուի հայ բանաստեղծութեան իշխան Դանիէլ Վարուժանի խորհրդանշական շիրիմին բացումը։
Տաղանդաւոր բանաստեղծը, բազմաթիւ նահատակ գրագէտներու կողքին, զոհ գացած էր Հայկական Ցեղասպանութեան, ու մէկն էր անոնցմէ, որոնք գերեզման չունեցան։
Այն որ պիտի բացուի Շաբաթ օր Շիշլիի մէջ, պիտի ամբողջացնէ պակասը ու պիտի դառնայ խորհրդանշական դամբարան այն բանաստեղծին համար, որ երգեց «Ցեղին սիրտն» ու «Հացին երգը»։

http://asbarez.com/arm/78012