Հանրաքվեի պատճառով Աղթամարի արարողությունը հետաձգվեց

Աղթամարի եկեղեցում նախատեսվող հայերի առաջին պատարագը Վանի նահանգապետ Մյունիր Քարալօղլուի բանակցությունների արդյունքում հետաձգվեց մինչև սեպտեմբերի 19-ը` սահմանադրական փոփոխությունների փաթեթի քվեարկության համար նշանակված 2010 թ. սեպտեմբերի 12-ի հետ համընկնելու պատճառով:

Պոլսո Հայոց պատրիարքարանի Հոգևոր խորհրդի նախագահ, արքեպիսկոպոս Արամ Աթեշյանի հետ բանակցած Վանի նահանգապետ Մյունիր Քարալօղլուն հայտնեց, որ հայկական համայնքը դրական է վերաբերվել այդ առաջարկին, և որ Աղթամարի եկեղեցում նախատեսվող առաջին պատարագը կմատուցվի 2010 թ. սեպտեմբերի 19-ին:

Թուրքիայի Մշակույթի և զբոսաշրջության նախարարության ու Վանի նահանգապետարանի նախաձեռնությամբ Աղթամար կղզում գտնվող և միևնույն անունը կրող* եկեղեցում 2010 թ սեպտեմբերի 12-ին նախատեսվող առաջին պատարագի մատուցումը չկայանալու սպառնալիքի տակ էր դրվել այն բանից հետո, երբ սահմանադրական փոփոխությունների փաթեթի քվեարկության համար կատարվելիք հանրաքվեի օրը նշանակվել էր նույն ամսաթվին: Հանրաքվեի օրվա նշանակումից անմջապես հետո Վանի նահանգապետ Մյունիր Քարալօղլուն զանգահարեց Պոլսո Հայոց պատրիարքարանի Հոգևոր խորհրդի նախագահ, արքեպիսկոպոս Արամ  Աթեշյանին: Նահանգապետ Քարալօղլուն արքեպիսկոպոս Աթեշյանին հիշեցրեց, որ նախապես համաձայնեցված ամսաթիվ հանդիսացող սեպտեմբերի 12-ին հանրաքվե է արվելու, և որ այդ դեպքում հայկական ծագում ունեցող Թուրքիայի քաղաքացիները միգուցե չկարողանան քվեարկել, և առաջարկեց, որ եթե դա համայնքի համար խնդիրներ չի հարուցի, եկեղեցում սպասվող պատարագը մատուցվի մեկ շաբաթ անց` սեպտեմբերի 19-ին:  

Հոգևոր խորհրդի նախագահ Աթեշյանը նշելով, թե պատարագի մեկ շաբաթով հետաձգումն իրենց համար խնդիրներ չի առաջացնի, հայտնեց, որ սեպտեմբերի 19-ը հարմար ամսաթիվ է: Խնդրին ըմբռնումով վերաբերվելու համար Աթեշյանին շնորհակալություն հայտնած Քարալօղլուն հավելեց նաև, որ ինքը կրկին աչքի է անցկացրել նախապատրաստական աշխատանքները:

Նշվեց նաև, որ պատարագի` մեկ շաբաթով հետաձգվելու պատճառով հյուրանոցներում նախապես պատվիրված տեղերը կթարմացվեն 2010 թ. սեպտեմբերի 19-ին համապատասխան:

 hurriyet.com.tr, 16.05.2010

Սեբահաթթին Յըլմազ, Վան (DHA)

 *Եկեղեցու անունը Սուրբ Խաչ է (կայքէջի խմբագրություն)