Հանրաքվեն արգելք դարձավ Աղթամարում մատուցվելիք առաջին պատարագին

Այն հանգամանքը, որ Ընտրությունների բարձրագույն խորհուրդը միաձայն որոշում է ընդունել սահմանադրական փոփոխությունների փաթեթին վերաբերող հանրաքվեն անցկացնել սեպտեմբերի 12-ին` կիրակի օրը, վտանգեց Վանի Աղթամար եկեղեցում հայերի կողմից կազմակերպվելիք առաջին պատարագի արարողությունը: Վանի նահանգապետ Մյունիր Քարալօղլուն հայտնեց, որ իրենք հայ համայնքի առաջնորդների հետ քննարկելու են պատարագը մեկ շաբաթ հետո անցկացնելու հարցը:

Աղթամար եկեղեցու առաջին պատարագը, որտեղ արարողություն կատարել-չկատարելու խնդիրը քննարկման թեմա էր դարձել և իրականացված աշխատանքներից հետո դրական որոշում ընդունվել, համընկավ 2010 թ. սեպտեմբերի 12-ին նախատեսվող հանրաքվեի հետ: Իրերի այս զարգացումից հետո բոլորի ուշդարությունը սևեռվեց այն աշխատանքներին, որ Վանի նահանգապետարանը պետք է ձեռնարկի այս ուղղությամբ: Վանի նահանգապետ Մյունիր Քարալօղլուն նշեց, որ այդ հանգամքնը իրենց էլ է դժվարին դրության մեջ դրել: Նահանգապետ Քարալօղլուն հայտնեց, որ երկուշաբթի օրվանից սկսած՝ աշխատանքներ են տարվելու այս խնդրի լուծման ուղղությամբ: Նահանգապետ Քարալօղլուն ասաց, թե իրենք բանակցելու են հայկական համայնքի իրավասուների հետ, որպեսզի արարողության նախնական ամսաթիվը՝ սեպտեմբերի 12-ը, մեկ շաբաթով հետաձգվի, և եթե դա հայ համայնքի առաջնորդների կողմից հարմար նկատվի, ապա պահանջելու են, որ Վանի համար մեծ նշանակություն ունեցող այդ առաջին արարողությունն ի կատար ածվի 2010 թ. սեպտեմբերի 19-ին:

Օսման Բեքլեյեն, Վան,  Hürriyet, 14.05.10