Իշխանաց կղզիների քաղաքապետարանը Քընալը կղզում գտնվող այգիներից մեկն անվանակոչել է «Նահատակ լրագրող Հրանտ Դինքի անվան մանկական այգի» անվամբ: Քաղաքապետարանի խորհրդի կողմից միաձայն ընդունված որոշումից հետո այգու նոր ցուցատախտակը կտեղադրվի առաջիկա օրերին:

Իշխանաց կղզիների քաղաքապետարանի խորհրդի անդամ Րաֆֆի Հերմոն Արաքսն ասաց, որ գավառապետարանների կողմից որևէ փողոցի կամ այլ վայրի անվանափոխման մասին որոշում կայացվելու դեպքում անհրաժեշտ է նաև Ստամբուլի քաղաքապետարանի վավերացումը. «Պատահում է, որ Ստամբուլի քաղաքապետարանը մերժի նոր տեղանունը: Օրինակ` մի առաջարկ ներկայացրեցինք` Մեծ կղզում գտնվող Քենան Էվրենի անվան այգին «Ազատության և ժողովրդավարության այգի» կոչելու մասին, բայց արի ու տես, որ Ստամբուլի քաղաքապետարանը մերժեց այն: Իշխանաց կղզիների քաղաքապետարանը Ստամբուլի քաղաքապետարանին ենթակա չէ միայն այն դեպքում, երբ անվանակոչում է անուն չունեցող որևէ վայր»:

Ավադիս Զորլու, Ստամբուլից

taraf.com.tr, 10.6.2010