Այս խորհրդարանի ի՞նչն է պակաս

Հունիսին նորացվելիք ԹԱՄԺ-ում 90 տոկոսը տղամարդ է, 92 տոկոսը՝ բեղերով: Միջին տարիքը 54 է, իսկ ոչ մուսուլմաններից հետք անգամ չկա:

Թուրքական «Թարաֆ» թերթը գրում է, որ տեսականորեն հասարակության տարբեր հատվածները ներկայացնող խորհրդարանից դուրս են մնում ոչ միայն 10 տոկոսի շեմը չհաղթահարած կուսակցությունները: 2007 թ. հուլիսի ընտրությունների արդյունքում կազմված 23-րդ գումարման խորհրդարանի պատգամավորների ցուցատախտակը ցույց է տալիս, որ նրանք, ովքեր  գերիշխող ինքնության կրողներ չեն, չեն հաղթահարում գաղափարական արգելապատնեշը:

Թուրքիայում թվով տղամարդկանց գերազանցող կանանց` խորհրդարանում ներկայացչության հարաբերակցությունը, որքան էլ որ վերջին ընտրություններում ռեկորդ սահմանված լինի, միայն 10 տոկոսի կարող է հասնել:  Քվոտային համակրգով խորհրդարանում ինը կանանցով ներկայացված Խաղաղություն և ժողովրդավարություն կուսակցությունը ներառյալ՝ խորհրդարանում կին պատգամավորների հարաբերակցությունն ավելի ցածր է: Մահացածներից և պատգամավորի մանդատը ցած դրածներից հետո այսօրվա խորհրդարանում կին պարգամավորները կազմում են միայն 8 տոկոսը:

Ամբողջությամբ մուսուլման են

Երբ հանրապետություն հռչակվեց, ողջ բնակչության 20 տոկոսը կազմող,  իսկ այսօր՝ մոտ 100 հազարի հասնող ոչ մոսուլման քաղաքացիները տարիներ ի վեր խորհրդարանում ներկայացուցիչ չեն ունեցել: 1923 թ. մինչ այսօր պատգամավոր եղած 23 ոչ մուսուլման քաղաքացիներից վերջինը եղել է 1994 թ. խորհրդարանի պատգամավոր հրեա Ջեֆի Քամհին: Հետաքրքիր է, թե առաջիկա ընտրությունների ժամանակ պատգամավորության թեկնածության համար առաջ քաշված հայ քաղաքացիներ Մարգար Եսայանն ու Հայկո Բաղդատը «ամբողջությամբ մուսուլմաններից» բաղկացած խորհրդարանի ցուցատախտակը կփոխե՞ն, թե ոչ:

«Թարաֆ»

03.03.2011

Նյութը ներկայացնում ենք կրճատումներով