Թուրքական բանտում ցմահ ազատազրկված Օջալանը դիմել է Քրդական բանվորական կուսակցությանը և կոչ արել վայր դնել զենքերը

Թուրքիայում ահաբեկչական ճանաչված Քրդստանի աշխատավորական կուսակցության (PKK) առաջնորդ Աբդուլլահ Օջալանը նամակով դիմել է իր ընկերներին, որում կոչ է արել վայր դնել զենքերը և լուծարել կուսակցությունը։ Այս մասին հայտնում է CNN Turk-ը։

«Ես կոչ եմ անում վայր դնել զենքերը և ստանձնում եմ այս պատմական կոչի պատասխանատվությունը։ Ինչպես կամավոր կաներ յուրաքանչյուր ժամանակակից համայնք և կուսակցություն, որի գոյությունը ուժով չի ոչնչացվել, հրավիրեք ձեր համագումարը և կայացրեք ձեր որոշումը։ Բոլոր խմբավորումները պետք է վայր դնեն զենքերը, իսկ PKK-ն պետք է ինքնալուծարվի»,- ասել է Օջալանը։

Նամակում նա բացատրել է, որ կուսակցության ի հայտ գալը անցյալ դարում ազդել է «քրդական իրականության բացահայտ ժխտման և հիմնարար իրավունքների ու ազատությունների սահմանափակման վրա», թեև «ավելի քան 1000 տարի» թուրքերի և քրդերի հարաբերությունները հիմնված էին համագործակցության վրա։

Աբդուլահ Օջալանը, 1999 թ.-ից ցմահ ազատազրկված է թուրքական բանտում։

https://tert.am/am/news/2025/02/27/ojalan/4223846