Վերսկսվում է Վան-Թավրիզ գնացքների երթևեկը 5 տարվա դադարից հետո

Թուրքիան և Իրանը 5 տարվա դադարից հետո մարտի 9-ից կվերսկսեն Վան-Թավրիզ ուղղությամբ գնացքների երթևեկը:

Նման պայմանավորվածություն ձեռք է բերվել Թուրքիայի տրանսպորտի և ենթակառուցվածքների նախարարության ու Իրանի պատվիրակությունների միջև իրականացված բանակցությունների արդյունքում:

Տոմսերի վաճառքը սկսելու է փետրվարի 20-ին: Մեկ ուղևորության արժեքը սահմանվել է 930 թուրքական լիրա, կամ 24.90 եվրո:

Հիշեցնենք, որ գնացքների երթևեկությունը դադարեցվել էր 2020-ին՝ COVID-19-ի տարածման կանխարգելիչ միջոցառումների շրջանակում:

https://www.ermenihaber.am/am/news/2025/02/20/%D4%B9%D5%B8%D6%82%D6%80%D6%84%D5%AB%D5%A1-%D4%BB%D6%80%D5%A1%D5%B6-%D4%B3%D5%B6%D5%A1%D6%81%D6%84/297933