Գորշ գայլերի քաղաքական առաջնորդը հոսպիտալացվել է

Թուրքական մամուլում շրջանառվող լուրերի համաձայն՝  թուրքական ծայրահեղական  «Գորշ գայլեր» կազմակերպության քաղաքական թևի՝ «Ազգայնական շարժում կուսակցության» (ԱՇԿ-MHP) առաջնորդ Դևլեթ Բահչելին տեղափոխվել է հիվանդանոց:

«ԱՇԿ»-ն նաև դաշինքի մեջ է գտնվում Թուրքիայի իշխող «Արդարություն և զարգացում կուսակցության» (ԱԶԿ-AKP) հետ: 

Ըստ պնդումների՝ Բահչելիի գանգատը կապված է եղել սրտի հետ և այդ իսկ պատճառով էլ տեղափոխվել է հիվանդանոց:

Չնայած նման պնդումներին կուսակցության առաջնորդի անձնական քարտուղար Մուրադ Չելիքերը հերքել է տեղեկությունը, թե Բահչելին հիվանդանոց է տեղափոխվել:

Նրա խոսքով, «ԱՇԿ» առաջնորդը չդադարող հազի պատճառով դիմել է հիվանդանոց, ինչից էլ հետո էլ բժիշկները խորհուրդ են տվել համապատասխան հետազոտություն անցնել:

https://www.ermenihaber.am/am/news/2025/02/06/%D4%B2%D5%A1%D5%B0%D5%B9%D5%A5%D5%AC%D5%AB-%D4%B9%D5%B8%D6%82%D6%80%D6%84%D5%AB%D5%A1/296647