Իրանեան կողմը կը զօրակցի հայ-ազրպէյճանական յարաբերութիւններու կարգաւորման, սակայն շրջանային սահմաններու փոփոխութիւններ պիտի չընդունի: Այս մասին «Սի.Էն.Էն.Թիւրք»-ի հետ հարցազրոյցի ընթացքին յայտնած է Իրանի արտաքին գործոց նախարարի գործակատար Ալի Պաքերի Քանին` պատասխանելով այսպէս կոչուած «Զանգեզուրի միջանցք»-ի մասին հարցումին` հայ-ազրպէյճանական յարաբերութիւններու կարգաւորման ծիրին մէջ:
«Իրանեան կողմը կը պաշտպանէ բոլոր նախաձեռնութիւնները, որոնք պիտի օգնեն շրջանի զարգացման, մասնաւորաբար` հայ-ազրպէյճանական կարգաւորման: Սակայն Թեհրանը դէմ է որեւէ նախագիծի եւ նախաձեռնութեան, որ պիտի փոխէ շրջանի ժողովրդագրութիւնը եւ սահմանները», ընդգծած է Քանի:
Leave a Reply