Ֆիդանը մեկնել է Չինաստանի Սինցզյան-Ույղուրական ինքնավար շրջան

Թուրքիայի արտգործնախարար Հաքան Ֆիդանը Չինաստան կատարած 3-օրյա այցի շրջանակներում հունիսի 5-ին եղել է Չինաստանի հյուսիսարևմտյան հատվածում գտնվող Սինցզյան-Ույղուրական ինքնավար շրջանում:

Ֆիդանը մասնավորապես եղել է շրջանում գտնվող երկու հնագույն քաղաքներում՝ Ուրումչիում և Քաշգարում:

Նշվում է, որ Ֆիդանի այցը վերջին 10-ամյակում եղել է միակ բարձր մակարդակի այցը: Վերջին անգամ այդպիսի այցով այնտեղ է եղել Թուրքիայի նախագահ Ռեջեփ Թայիփ Էրդողանը՝ 2012-ին՝ իր վարչապետության տարիներին:

Դիվանագիտական աղբյուրների համաձայն՝ Ֆիդանը իքնավար շրջանում ունեցած շփումների ժամանակ ուշադրություն է հրավիրել ույղուր թուրքերի մշակութային իրավունքների և արժեքների պահպանման վրա: 

Հիշեցնենք, որ Ֆիդանը Չինաստան էր մեկնել հունիսի 2-ին:

https://www.ermenihaber.am/