Թուրքիայի խորհրդարանում Էրդողանի կողմնակիցները կռվել են քրդամետ պատգամավորների հետ

Երեկ Թուրքիայի խորհրդարանում տեղի է ունեցել ծեծկռտուք կառավարող Արդարություն եւ զարգացում կուսակցության (AKP) եւ քրդամետ Հավասարության եւ ժողովրդական դեմոկրատիայի կուսակցության (DEM) ներկայացուցիչների միջեւ։

Ծեծկռտուքը եւ առաջացած քաոսը տեղի են ունեցել Հաքարի հարավարեւելյան նահանգի ղեկավար Մեհմեթ Սիդիկի Աքիսի ձերբակալության ֆոնին, նահանգը սահմանակից է Իրանին եւ Իրաքին։

Աքիսը հեռացվել է պաշտոնից այն բանից երկու ամիս հետո, երբ եկել է իշխանության տեղական ինքնակառավարման մարմինների ընտրություններից հետո։ Թուրքիայի ներքին գործերի նախարարությունը հայտնել է, որ Աքիսը բարձրաստիճան պաշտոնյա է եղել Քրդստանի աշխատավորական կուսակցությունում, որը Թուրքիայում, ԱՄՆ-ում եւ ԵՄ-ում ճանաչված է որպես ահաբեկչական։ Նրա փոխարեն նշանակվել է Ալի Չելիքը։

Միջադեպը խորհրդարանում սկսվել է այն բանից, որ DEM պատգամավորները պաստառներ են բարձրացրել եւ վանկարկել կարգախոսներ՝ ամբիոնը զբաղեցնելով ի նշան բողոքի Աքիսի ձերբակալման եւ նրա փոխարեն ավելի լոյալ պաշտոնյայի նշանակման դեմ։

«Ուս-ուսի ֆաշիզմի դեմ»,- վանկարկել են DEM պատգամավորները, իսկ Էրդողանի կողմնակիցները սկսել են բղավել. «Կորչի՛ Քրդստանի աշխատավորական կուսակցությունը», եւ խլել են ընդդիմախոսների պաստառները։ Սկսվել է ծեծկռտուք, որը վերաճել է տուրուդմփոցի։

2019թ. տեղական ինքնակառավարման մարմինների ընտրություններից հետո Թուրքիան ձերբակալել է գրեթե բոլոր քրդամետ քաղաքապետերին եւ նրանց փոխարինել պետական պաշտոնյաներով։ DEM կուսակցությունն իր հերթին քանիցս հերքել է որեւէ կապը ՔԱԿ-ի հետ։

https://news.am/arm/news/827416.html