Թուրքիայի նախագահ Ռեջեփ Թայիփ Էրդողանը երեքշաբթի խոստացել է ընդլայնել ռազմական գործողությունները քրդերի դեմ հարևան Իրաքում և Սիրիայում՝ Իրաքում թուրքական ռազմաբազայի վրա հարձակումից օրեր անց, որի հետևանքով ինը թուրք զինվոր է զոհվել, հայտնում է AP-ն։
Թուրքական ռազմական ինքնաթիռներն ու անօդաչու թռչող սարքերը ավիահարվածներ են հասցրել Սիրիայում և Իրաքում գտնվող թիրախներին, որոնք Անկարայի կարծիքով կապված են Քրդստանի աշխատավորական կուսակցության հետ։
Կառավարության նիստից հետո հեռուստաուղերձում Էրդողանն ասել է, որ թուրքական ինքնաթիռները վերջին հինգ օրվա ընթացքում սկսված գործողությունների ընթացքում Սիրիայում և Իրաքում ընդհանուր առմամբ 114 թիրախ են խոցել։
Թուրքիայի նախագահի խոսքով` Թուրքիայի հետախուզական ծառայության առանձին գործողությունների արդյունքում ոչնչացվել է ևս 60 ենթակառուցվածք:
Էրդողանն ասել է, որ Թուրքիան «վճռական է վերացնել քուրդ զինյալների վտանգը իր աղբյուրից» Իրաքում և Սիրիայում։
«Մեր գործողությունները կշարունակվեն այնքան ժամանակ, մինչև ապահովված լինի Հյուսիսային Իրաքի լեռների յուրաքանչյուր թիզ, որոնք դարձել են ահաբեկչական գործունեության աղբյուր…», – ասել է նա: Նույն կերպ մենք կանգ չենք առնելու այնքան ժամանակ, քանի դեռ Սիրիայում ահաբեկիչների բները… ամբողջությամբ չեն քանդվել»։
Leave a Reply