2023-ին Ադրբեջանը Թուրքիա է արտահանել 9.5 մլրդ խմ բնական գազ

2023 թվականին Ադրբեջանում նավթի և կոնդենսատի արդյունահանման ծավալը կազմել է 30.2 մլն տոննա, իսկ  արտահանման ծավալներ՝ 25.2 մլն տոննա։

Այս մասին «X» սոցիալական ցանցի իր էջում գրել է Ադրբեջանի էներգետիկայի նախարար Փարվիզ Շահբազովը։

Ըստ նրա՝  նշյալ ժամանակահատվածում արդյունահանված  48.3 մլրդ խմ ծավալի բնական գազից արտահանվել է 23.8 մլրդ խմ-ը։

Նշված ժամանակահատվածում Ադրբեջանը  Թուրքիա է արտահանել 9.5 մլրդ խմ բնական գազ, որից 5.6 մլրդ խմ-ն իրականացվել է Անդրանատոլիական բնական գազատարի (TANAP) նախագծի միջոցով։

Ադրբեջանը Վրաստան է  արտահանել 2.5 մլրդ խմ բնական գազ։

https://www.ermenihaber.am/am/news/2024/01/11/%D4%B9%D5%B8%D6%82%D6%80%D6%84%D5%AB%D5%A1-%D4%B1%D5%A4%D6%80%D5%A2%D5%A5%D5%BB%D5%A1%D5%B6/265417