Ստամբուլի մզկիթի հոգևոր առաջնորդը դանակահարության է ենթարկվել (Տեսանյութ)

Դեկտեմբերի 8-ին Ստամբուլի Ֆաթիհ մզկիթում նամազից (ամենօրյա աղոթք իսլամում) հետո դանակահարություն է տեղի ունեցել:

Դանակահարության են ենթարկվել մզկիթի իմամ (հոգևոր առաջնորդ) Գալիփ Ուստան և մզկիթի համայնքի անդամ Բիլալ Էրդեմը:

Մասնավորապես հանցանքի մեջ կասկածվող անձը նամազից հետո մուտք է գործել իմամի սենյակ և նշել, որ ցանկանում է հանդիպել  իմամի հետ, ապա դեռևս չբացահայտված հանգամանքների բերումով դանակահարել երկուսին:

Ինչպես ավելի ուշ հայտնել է Թուրքիայի ներքին գործերի նախարար Ալի Յերլիքայան, դանակահարության մեջ մեղադրվող անձը ձերբակալվել է Թուրքիայի ոստիկանության աշխատակիցների կողմից:

Իսկ Ստամբուլի գլխավոր դատախազությունում դեպքի առթիվ հետաքննություն է սկսվել: 

Կատարվածը դատապարտել են Թուրքիայի իշխանության և ընդդիմության ներկայացուցիչները։

https://www.ermenihaber.am/am/news/2024/01/09/%D5%8D%D5%BF%D5%A1%D5%B4%D5%A2%D5%B8%D6%82%D5%AC-%D4%B9%D5%B8%D6%82%D6%80%D6%84%D5%AB%D5%A1-%D4%B4%D5%A1%D5%B6%D5%A1%D5%AF%D5%A1%D5%B0%D5%A1%D6%80%D5%B8%D6%82%D5%A9%D5%B5%D5%B8%D6%82%D5%B6-%D4%BB%D5%BD%D5%AC%D5%A1%D5%B4/265155