Թուրք նախկին նախարարը՝ Ստամբուլի քաղաքապետի թեկնածու

Ստամբուլի քաղաքապետի ընտրություններում իշխող Արդարություն և զարգացում կուսակցության (ԱԶԿ-AKP) թեկնածուն Թուրքիայի նախկին շրջակա միջավայրի և քաղաքաշինության նախարար Մուրադ Քուրումն է։

Նրա թեկնածության մասին պաշտոնական հայտարարությունը տարածվել է հունվարի 7-ին։

Նշենք, որ իշխող կուսակցության առաջադրած թեկնածուի գլխավոր հակառակորդ է համարվում ներկայիս քաղաքապետ Էքրեմ Իմամօղլուն, ով անդամակցում է ընդդիմադիր Ժողովրդահանրապետական կուսակցությանը (ԺՀԿ-CHP)։

Թուրքիայում տեղական ինքնակառավարման մարմինների (ՏԻՄ) հերթական ընտրությունները նախատեսված են 2024-ի մարտի 31-ին։

https://www.ermenihaber.am/am/news/2024/01/08/%D4%B9%D5%B8%D6%82%D6%80%D6%84%D5%AB%D5%A1/265118