Թուրքիայի նախագահականի հանրային կապերի վարչության նախագահ Ֆահրեթթին Ալթունը մասնակցել է մայրաքաղաք Անկարայի արվեստի պատկերասրահ-աճուրդի տանը Անկարայի մշակույթի, արվեստի և քաղաքակրթության միության կողմից կազմակերպված «Կիպրոսի փաստերը» խորագրով ցուցահանդեսին։
Դրան մասնակցել է նաև Հյուսիսային Կիպրոսի ինքնահռչակ թուրքական հանրապետության (ՀԿԹՀ) նախագահ Էրսին Թաթարը։
Ալթունը ցուցահանդեսի ընթացքում հանդես է եկել նաև ելույթով։ Նախ շնորհակալություն հայտնելով Թաթարին մասնակցության համար՝ ասել է, որ դրա շնորհիվ ցուցահանդեսը ,հնարավոր է, ավելի մեծ արձագանքի արժանանա թե՛ միջազգային հանրության և թե՛ իրենց ազգի կողմից։
Ալթունը նաև նշել է, որ Թուրքիան 2024-ի ընթացքում շարունակելու է տարաբնույթ միջոցառումներ կազմակերպել միջազգային հանրությանը Կիպրոսում ծավալված թուրքական շարժման մասին պատմելու համար։
«Կիպրոսի խաղաղության շարժման 50 ամյակին մենք շարունակելու ենք աշխարհին պատմել ՀԿԹՀ-ի, Կիպրոսի թուրքերի իրավացի թեզերը»,-ասել է նա։
Leave a Reply