Թուրքիայում երկրաշարժի հետևանքով մեկ հայ է զոհվել, ավերվել են եկեղեցիներ

Թուրքիայի Քահրամանմարաշ (Մարաշ-Ակունքի խմբ․) նահանգում 7.4 մագնիտուդ հզորությամբ երկրաշարժի հետևանքով նախնական տվյալներով մեկ հայ է զոհվել, կան նաև նյութական կորուստներ։ Ավերիչ երկրաշարժի հետևանքով Թուրքիայի հայաբնակ հատվածներում զոհերի ու կորուստների վերաբերյալ «Արմենպրես»-ին տվյալներ է փոխանցել Ստամբուլի հայկական «Ժամանակ» օրաթերթը։

Մալաթիայում հայ ընտանիքի պատկանող բնակարանի փլուզման հետևանքով 2 մարդ զոհվել է։

Էլազըգում (Խարբերդ)  կան ավերված շենքեր, հայ համայնքի անդամները անհանգստացած են, սակայն մարդկային կորուստներ չկան։

Դիարբեքիրում Սուրբ Կիրակոս հայկական եկեղեցու խորհրդի ղեկավար Օհաննես Գաֆուր Թուրքայը հայտնել է, որ ցնցումների հետևանքով եկեղեցին վնասված չէ, սակայն քաղաքում կան ավերված շենքեր։

https://yerkir.am/hy/article/2023/02/06/7267