Թուրքիայում պարենային ապրանքների գնաճը հասել է խոշոր չափերի

Թուրքիայում հետազոտություն է իրականացվել երկրի տնտեսական վիճակի վերաբերյալ։ Արդյունքների ամփոփումից պարզվել է, որ մարտին պարենային ապրանքների գնաճը Թուրքիայում կազմել է 17․3 տոկոս։ Իսկ 2022թ․ առաջին եռամսյակային գնաճը հասել է 33.9 տոկոսի, տարեկան գնաճն էլ հաշվարկվել է 118․8 տոկոս։ 

Հրապարակված տվյալների համաձայն՝ հունվարին գնաճը կազմել է 9, իսկ փետրվարին՝ 4․7 տոկոս։

Մասնավորապես առաջին անհրաժեշտության ապրանքներից նախորդ ամսվա համեմատ ամենաշատը մարտին թանկացել է ձեթը (30.5 տոկոս)։  Շուրջ 30 տոկոսով բարձրացել են մսամթերքի և ձկնամթերքի գները։ Հացաբուլկեղենի գնաճը կազմել է 19.4 տոկոսի, իսկ միրգ ու բանջարեղենի գնաճը համապատասխանաբար կազմել է 11.6 և 12.5 տոկոս։

Տարեկան կտրվածքով հացամթերքը թանկացել է 131․9 տոկոսով։

Ermenihaber.am