«Թուրքիան ունի նախկին նախագահ Աբդուլլահ Գյուլի կարիքը: Այս հորձանուտից դուրս գալու համար պետք է բոլորի հետ աշխատենք: Աբդուլլահ Գյուլն էլ պետք է որոշակի պատասխանատվություն ստանձնի., նրա կարիքը կա», – հայտարարել է Թուրքիայի ընդդիմադիր Ժողովրդադեմոկրատական կուսակցության անդամ, խորհրդարանի հայազգի պատգամավոր Կարո Փայլանը:
«Թուրքիան այժմ «մեծ ավերածություն է ապրում», և այդ ամենի միջից երկիրը կարող է դուրս գալ՝ կորցնելով իր խաղաղությունը, մարդկանց և տնտեսությունը կամ ի վերջո՝ ամեն ինչ: Վստահ եմ, որ Աբդուլլահ Գյուլը շատ տխուր է: Երբ Արդարություն և զարգացում կուսակցությունն իշխանության եկավ Թուրքիայում, նրանք ասացին՝ «Մենք փետրվարի 28-ին շատ ցավ քաշեցինք։ Այս երկրում բոլորն են ցավ քաշել: Մենք կփրկենք բոլորին` միմիայն այս երկիրը ժողովրդավարության բերելով»: Նրանց իշխանության առաջին տարիներին սա իսկապես իրականացվեց, սակայն այժմ այդ ձեռքբերումները մի կողմ դնելով՝ նորից հետ ենք գնում», – ասել է Փայլանը:
http://hayeli.am/article/1059192
Leave a Reply