Թուրքիայում սպասվող խորհրդարանական ընտրությունների արդյունքում քրդամետները կարող են դուրս մղվել Մեջլիսից

Թուրքիայում 2019 թ. սպասվող խորհրդարանական ընտրությունների արդյունքում քրդամետ Ժողովրդադեմոկրատական կուսակցությունը կարող է դուրս մղվել Մեջլիսից՝ անբավարար ձայների պատճառով, նման եզրակացության է եկել Ստամբուլի տնտեսական ուսումնասիրությունների կենտրոնն իր անցկացրած հարցումների արդյունքում:

Թուրքիայի 12 նահանգներում անցկացված հարցումները ցույց են տվել, որ ներկայում խորհրդարանում ներկա բոլոր քաղաքական ուժերը ժողովրդի կողմից վստահության լուրջ կորուստ են արձանագրում, իսկ քրդամետների դեպքում ձայների կորուստը կարող է հանգեցնել խորհրդարան անցնելու համար անհրաժեշտ 10 տոկոս ձայնի շեմը չհաղթահարելուն:

Խորհրդարանից դուրս մնալու վտանգի տակ է նաև Ազգային շարժում կուսակցությունը, որը համարվում է Գորշ գայլեր ազգայնական խմբավորման քաղաքական թևը:

Հարցումների համաձայն՝ 2019 թ. խոհրդարան անցնելու հավանական թեկնածուներն են իշխող Արդարություն և զարգացում, ընդդիմադիր Ժողովրդահանրապետական և նորաստեղծ Լավ կուսակցությունները:

http://www.tert.am/am/news/2017/12/26/turkey/2575599