«Թուրքիան եւ Ուքրանիան յառաջիկայ տարիներուն Եւրոպական Միութեան անդամ պիտի չդառնան» կ՛ըսէ Կապրիէլ

Գերմանիոյ արտաքին գործոց նախարար Զիկմար Կապրիէլ յայտարարած է, որ Ուքրանիան եւ Թուրքիան յառաջիկայ տարիներուն անդամ պիտի չդառնան Եւրոպական Միութեան: Այս մասին կը հաղորդէ «Քորրեսփոնտընթ» կայքը:

«Չեմ կրնար պատկերացնել յառաջիկայ տարիներուն ո՛չ Թուրքիան, ո՛չ ալ Ուքրանիան իբրեւ Եւրոպական Միութեան անդամ երկիր», ըսած է Կապրիէլ` շեշտելով, որ Եւրոպական Միութիւնը պէտք է Քիեւի եւ Անգարայի հետ փոխադարձ գործակցութեան յատուկ բնորդ մշակէ:

Կապրիէլ նշած է, որ եթէ Պրիւքսելն ու Լոնտոնը կարենան արդիւնաւէտ համաձայնութեան հասնիլ «Պրեքզիթ»-էն ետք յարաբերութիւններու համակարգման վերաբերեալ, ապա փոխադարձ գործակցութեան այդ նոյն բնորդը կրնայ կիրարկուիլ նաեւ Ուքրանիոյ եւ Թուրքիոյ հետ յարաբերութիւններուն մէջ:

http://www.aztagdaily.com/archives/377211