Թուրքիայի Մալաթիա նահանգում գյուղացիներից մեկը այգում 2 հազար տարվա կարաս է հայտնաբերել։
Թուրքական Milliyet-ի փոխանցամամբ՝ Մալաթիայի Դողանշեհիրի շրջանի գյուղերից մեկում գյուղացին այգին ջրելու ժամանակ նկատել է, որ ջուրը մի անկյունում միանգամից ներքեւ է իջնում։ Նա սկսել է փորել եւ կավի խոշոր կտորի հանդիպել։
Գյուղացին հասկացել է, որ հնագիտական իր է հայտնաբերել, եւ զանգահարել է տուրիզմի եւ մշակույթի վարչություն։
Գյուղացու փորած վայրը ժամանած հնագետները նշել են, որ հայտնաբերվել է 2 հազար տարվա հնություն ունեցող կարաս։
Թե ինչ նպատակներով է կարասը օգտագործվել` դեռ հայտնի չէ։
https://news.am/arm/news/428464.html
Leave a Reply