Էրդողանն արտակարգ դրության ռեժիմով ցանկանում է ճնշել ընդդիմությանը. Կարո Փայլան

2016 թ. ամռանը տեղի ունեցած հեղաշրջման փորձից հետո Թուրքիայում սահմանված արտակարգ դրության ռեժիմի միջոցով նախագահ Ռեջեփ Թայիփ Էրդողանը ցանկանում է ճնշել ընդդիմությանն ու պոտենցիալ վտանգ ներկայացնողներին։

ՍՏԵՓԱՆԱԿԵՐՏ, 26 դեկտեմբերի, ԱՐՑԱԽՊՐԵՍ: Այս մասին Euronews-ի թուրքական ծառայությանը տված հարցազրույցում ասել է Թուրքիայի Ժողովուրդների դեմոկրատական կուսակցության անդամ, հայազգի ընդդիմադիր պատգամավոր Կարո Փայլանը։

Փայլանի կարծիքով՝ Էրդողանը կպահպանի արտակարգ դրության ռեժիմը մինչ 2019 թ., քանի որ նրա հիմնական նպատակը հենց այդ պայմաններում նախագահական ու խորհրդարանական ընտրությունների անցկացումն է, ինչն անթույլատրելի է, փոխանցում է 1in.am-ը:

Փայլանը նշել է, որ եթե ժողովուրդը քվեարկի ճնշումներից ու սպառնալիքներից զերծ մթնոլոտում, ընտրության արդյունքները կարող են ձեռնտու չլինել իշխանությանը։

http://artsakhpress.am/arm/news/78411/erdoxann-artakarg-drutyan-rezhimov-cankanum-e-tchnshel-ynddimutyany-karo-paylan.html