Ներկայիս Թուրքիայի տարածքում գտնվող Ուրֆայում հնագետները հայտնաբերել են շուրջ 900 տարվա բաղնիք, այդմասին գրում է թուրքական «Հյուրրիյեթ» պարբերականը:
12-րդ դարում կառուցված և երեք մեծ բաժիններ ունեցող բաղնիքը գրեթե անվնաս է մնացել: Ներսում այն ունեցել է առանձին լողավազան, տաք և սառը ջրի մատակարարում ապահովող ջրային համակարգ, լոգանք ընդունելու և հանգստանալու առանձին սենյակներ:
Բաղնիքը հնագետները հայտնաբերել են Ուրֆայի Խառան շրջանում, որը տեղ է գտնում UNESCO-ի համաշխարհային ժառանգության ցուցակում:
Ավելի վաղ Ուրֆայում հայտնաբերվել էր Եդեսիայի Աբգար Ե թագավորի ընտանեկան դամբարանը: Նշենք, որ Աբգար Ե թագավորը հայտնի է նաև Աբգար Հինգերորդ Ուքքամա անվամբ:
Ըստ ավանդության՝ Աբգար թագավորն ընդունել է քրիստոնեություն՝ դրանով դառնալով մ.թ. 1-ին դարի առաջին քրիստոնյա թագավորը։ Նա Հայ առաքելական եկեղեցու սրբերից է։ Ըստ խորենացու «Հայոց պատմության»` եղել է Հայոց թագավոր։
http://www.tert.am/am/news/2017/12/22/urfa/2572729
Leave a Reply