ԺԴԿ Ստամբուլի պատգամավոր Կարո Փայլանը, եվրոպական երկրներում գտնվող «գիտնականների, լրագրողների և քաղաքական գործիչների» դեմ նախապատրաստվող մահափորձերի մասին հայտարարության հետ կապված, ասել է․ «Գուցե ոմանք հող են նախապատրաստում նոր հեղաշրջման համար»։ Այդ մասին հաղորդում է Akunq.net-ը` վկայակոչելով թուրքական «Ջումհուրիյեթ» և «Հյուրիեթ» օրաթերթերում հրապարակված հոդվածները:
Աղբյուրի համաձայն` ԺԴԿ Ստամբուլի պատգամավոր Կարո Փայլանը նախորդ օրը Մեջլիսում կազմակերպված մամլո ասուլիսի ժամանակ հանդես էր եկել այն հայտարարությամբ, որ եվրոպական երկրներում, հատկապես Գերմանիայում գտնվող ընդդիմադիր գիտնականների, լրագրողների ու քաղաքական գործիչների դեմ մահափորձեր նախապատրաստվելու մասին հետախուզական տվյալներ են ստացել։ Նա մանրամասնել է իր այդ հայտարարությունը։
«Հյուրիեթ» թերթի լրագրող Մուրաթ Յեթքինի հետ զրույցի ժամանակ Փայլանը նշել է․«Դատելով Թուրքիայում տիրող քաղաքական լարվածությունից` կարելի ենթարդել, որ կլինեն մարդիկ, ովքեր կցանկական օգտվել այս իրավիճակից։ Ավելի լուրջ՝ մեկ այլ խմբավորում էլ կարող է լինել․․․ Գուցե ոմանք նոր հեղաշրջման համար հող են նախապատրաստում, գուցե ձգտում են Թուքիայի ու Գերմանիայի, Եվոպական Միության ու Թուրքիայի միջև անջրպետն ավելի խորացնել, Թուրքիան հեռացնել Արևմուտքից։ Խաղաղ գործընթացը խախտել ցանկացող կառույցների հետ նույնը կարող է պատահել։ Չպետք է մոռանալ նաև Փարիզում տեղի ունեցած սպանությունները»։
Թարգմանեց Անի Մելքոնյանը
Akunq.net
Leave a Reply