ԱՄՆ–ում Թուրքիայի կառավարությունը մեղադրյալի աթոռին է նստել. Դավութօղլուի նախկին հայ խորհրդական

Թուրքիայի նախկին վարչապետ Ահմեդ Դավութօղլուի նախկին խորհրդական Էթյեն Մահչուփյանը Karar.com կայքում անդրադարձել է ԱՄՆ–ում Ռեզա Զարրաբի ու Halkbank–ի տնօրենի գործով դատավարությանը։

Էթյեն Մահչուփյանը հրապարակման սկզբում հիշեցրել է, որ դատավարության թեման Թուրքիայի կողմից Իրանի դեմ ԱՄՆ պատժամիջոցները խախտելն է։

«Դավատավարության ընթացքում Ռեզա Զարրաբը սկսեց խոստովանել եւ մեղադրյալի աթոռից տեղափոխվեց վկայի կարգավիճակի, իսկ Թուրքիայի կառավարությունն էլ նստեց մեղադրյալի աթոռին»,–գրել է Էթյեն Մահչուփյանը՝ շեշտելով, որ Էրդողանի կողմից այդ դատավարությունը քաղաքական նախաձեռնություն է որակվել Թուրքիայի դեմ։

Էթյեն Մահչուփյանն ուշադրություն է դարձրել այն հանգամանքին, որ ԱՄՆ–ում հետաքննվող գործն ու մեղադրանքները լրիվ կրկնում են դեռ 2014–ին Թուրքիայում «Մեծ կաշառք» գործով գյուլենական դատախազների առաջադրած մեղադրանքները։ «Սակայն պետք չէ անտեսել այդ դոսյեներում առկա իրականությունը՝ պնդելով, թե այն վատ նպատակով է օգտագործվում։ Եթե 2016–ի հեղաշրջման փորձը հաջողվեր, հեղաշրջման հեղինակները կբացեին «Մեծ կաշառք» գործը եւ հեղաշրջումը կլեգիտիմացնեին։ Այսինքն, իշխող կուսակցությունը պետք է արդարության կողմը լինի։ Չպետք է այնպես պահենք մեզ, կարծես ոչ մի անօրինակություն չի եղել»,–գրել է Էթյեն Մահչուփյանը։

https://news.am/arm/news/427328.html