Թուրքիայում բացվել է հայերի կողմից կառուցված շինությունների ցուցադրություն

Ճարտարապետության թուրքական թանգարանում բացվել է Օսմանյան կայսրության շրջանում հայերի կողմից կառուցված շինությունների առցանց ցուցադրություն:

«Հայ ճարտարապետներն ակնառու դեր են խաղացել Օսմանյան կայսրությունում դղյակների և պետական մարմինների շենքերի կառուցման մեջ: Կայսրության ճարտարապետների միությունը, որը ղեկավարել է այդպիսի շինարարական նախագծեր, միշտ ներառել է հայ ճարտարապետների», – ասվում է ցուցադրության նկարագրությունում:

Թանգարանի կայքում պատմվում է Բալյան գերդաստանի մասին, որի 5 սերունդեր նախագծել և կառուցել են բազմաթիվ խոշոր շինություններ Ստամբուլում: Բալյան ընտանիքի կողմից կառուցված ամենախոշոր շինությունը Դոլմաբահչեն է, որը համարվում է 19-րդ դարի աշխարհի լավագույն ապարանքներից մեկը:

Թանգարանի կայքում նշվում է նաև, որ 16-րդ դարում գլխավոր օսմանյան ճարտարապետը և ինժեներ-շինարարը հայկական ծագում ունեցող Միմար Սինան է:

http://armedia.am/arm/news/55712/turqiayum-bacvel-e-hayeri-koxmic-karucvats-shinutyunneri-cucadrutyun.html