Թուրքիայում Ցեղասպանության ժամանակ Սեբաստիայի հայերի կոտորածի մասին պատմող գիրք է հրատարակվել

Թուրքիայում հրատարակվել է Հայոց ցեղասպանության տարիներին Սեբաստիայի հայերի կոտորածի ու աքսորի մասին պատմող նոր գիրք, այս մասին տեղեկանում ենք գիրքը լույս ընծայած ստամբուլյան «Արաս» հայկական հրատարակչության պաշտոնական կայքից:

Մուրադ Աթաշի կողմից գրի առնված «Արմինե. (Չարաք լեռան աքսորը)» կոչվող վեպը, որը հիմնված է իրական դեպքերի վրա, պատմում է պատմական Սեբաստիայի գյուղերից մեկի հայ բնակչության՝ Ցեղասպանության տարիներին ապրած զրկանքների ու այդ տարածքում հայերի և թուրքերի հարաբերությունների մասին:

Վեպը համեմված է նաև գլխավոր գործող անձի՝ Արմինեի ու նրա ընտրյալ Ջիվանի սիրո պատմությամբ ու պատմում է Ցեղասպանության հետևանքով խեղված ճակատագրերի մասին:

224 էջանոց թուրքերեն վեպի խմբագրմամբ է զբաղվել պոլսահայ մտավորական, «Ակօս» պարբերականի նախկին խմբագիր և «Արաս» հրատարակչության ղեկավար Ռոբեր Քոփթաշը:

http://www.tert.am/am/news/2017/12/18/sivas-armenians/2568408